Qarjylyq monitoring agenttigi 150 million teńge salyq tóleýden jaltarýdyń kezekti dereginiń jolyn kesti, dep habarlaidy QazAqparat.
Salyq salýdyń negizgi maqsaty – qoǵam men memlekettiń damýy úshin ártúrli mańyzdy áleýmettik jobalar men baǵdarlamalardy iske asyrý.
Kóbine bul tólem josyqsyz kásipkerlerdiń zańsyz áreketi saldarynan túpki maqsatqa jetpeidi.
Qarjylyq monitoring agenttiginiń Batys Qazaqstan oblysy boiynsha aýmaqtyq departamenti salyq tóleýden jaltarý deregi boiynsha «Kompaniia Býrlingazstroi» JShS -ne qatysty qylmystyq isti tergeýdi aiaqtady.
Tergeý málimeti boiynsha, kásiporyn basshysy B.Ótegenov 2015-2019 jyldar aralyǵynda salyq deklaratsiiasyna kórineý jalǵan málimetter engizgen, osylaisha 157 mln teńgeden astam somaǵa salyq tóleýden jaltarǵan.
B.Ótegenov sottaldy, sondai-aq, kommertsiialyq uiymdarda uiymdastyrý-basqarýshylyq fýnktsiialardy oryndaýmen bailanysty qyzmetpen ainalysý quqyǵynan 3 jylǵa aiyryldy.
Osyndai derekter men ekonomikalyq jáne qarjy salalarynda ózge de quqyq buzýshylyqtar belgili bolsa, BQO boiynsha ETD + 7 708 435 04 54 nómiri boiynsha Telegram jáne WhatsApp -taǵy onlain chatqa habarlasýǵa bolady.
