Batys Qazaqstan oblysynda 1582 adam úide oqshaýlanýda, – dep habarlaidy BQO taýarlar men kórsetiletin qyzmetterdiń sapasy men qaýipsizdigin baqylaý departamentiniń baspasóz qyzmeti.
Qazirgi ýaqytta sondai-aq 5 adam - provizorlyq, 119 adam - karantindik statsionarda jatyr. Oblystyq juqpaly aýrýlar aýrýhanasynda 168 adam em alýda. Al 155-i jazylyp shyqty.
Óńirde sońǵy tirkelgen 13 naýqastyń 8-i – buryn aýyrǵandarmen qarym-qatynasta bolǵandar, sonyń ishinde bireýi – meditsina qyzmetkeri. Sondai-aq Atyraý oblysyndaǵy Teńiz ken ornynan kelgen eki adamnan koronavirýs anyqtaldy. Onyń bireýi test nátijesi teris qorytyndy kórsetýine bailanysty úi oqshaýlaýynda bolǵan.
Alaida keiin dene qyzýy kóterilip, jedel járdemmen provizorlyq statsionarǵa jetkizilip, zerthanalyq synama alynǵan kezde onyń da aýrý juqtyrǵany anyqtaldy.
Taǵy úsh adam – Reseiden kelgen Shymkent qalasy men Batys Qazaqstan oblysynyń turǵyndary. Olar Reseimen shektesetin «Syrym» jáne «Tasqala» avtobeketterinen ótkennen keiin jedel járdemmen karantindik statsionarǵa jatqyzylǵan.
COVID-19 diagnozy rastalǵannan keiin 13 naýqas ta oblystyq juqpaly aýrýlar aýrýhanasyna ornalastyryldy. Oblysta indetke qarsy kúres sharalary jalǵasýda.
Eske sala keteiik, budan buryn BQO-da Teńiz ken orny men Reseiden kelgen 10 adamnan koronavirýs anyqtalǵanyn jazǵan bolatynbyz.
