باتىس قازاقستان وبلىسىندا 1582 ادام ٷيدە وقشاۋلانۋدا, – دەپ حابارلايدى بقو تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸنٸڭ باسپاسٶز قىزمەتٸ.
قازٸرگٸ ۋاقىتتا سونداي-اق 5 ادام - پروۆيزورلىق, 119 ادام - كارانتيندٸك ستاتسيوناردا جاتىر. وبلىستىق جۇقپالى اۋرۋلار اۋرۋحاناسىندا 168 ادام ەم الۋدا. ال 155-ٸ جازىلىپ شىقتى.
ٶڭٸردە سوڭعى تٸركەلگەن 13 ناۋقاستىڭ 8-ٸ – بۇرىن اۋىرعاندارمەن قارىم-قاتىناستا بولعاندار, سونىڭ ٸشٸندە بٸرەۋٸ – مەديتسينا قىزمەتكەرٸ. سونداي-اق اتىراۋ وبلىسىنداعى تەڭٸز كەن ورنىنان كەلگەن ەكٸ ادامنان كوروناۆيرۋس انىقتالدى. ونىڭ بٸرەۋٸ تەست نەتيجەسٸ تەرٸس قورىتىندى كٶرسەتۋٸنە بايلانىستى ٷي وقشاۋلاۋىندا بولعان.
الايدا كەيٸن دەنە قىزۋى كٶتەرٸلٸپ, جەدەل جەردەممەن پروۆيزورلىق ستاتسيونارعا جەتكٸزٸلٸپ, زەرتحانالىق سىناما الىنعان كەزدە ونىڭ دا اۋرۋ جۇقتىرعانى انىقتالدى.
تاعى ٷش ادام – رەسەيدەن كەلگەن شىمكەنت قالاسى مەن باتىس قازاقستان وبلىسىنىڭ تۇرعىندارى. ولار رەسەيمەن شەكتەسەتٸن «سىرىم» جەنە «تاسقالا» اۆتوبەكەتتەرٸنەن ٶتكەننەن كەيٸن جەدەل جەردەممەن كارانتيندٸك ستاتسيونارعا جاتقىزىلعان.
COVID-19 دياگنوزى راستالعاننان كەيٸن 13 ناۋقاس تا وبلىستىق جۇقپالى اۋرۋلار اۋرۋحاناسىنا ورنالاستىرىلدى. وبلىستا ٸندەتكە قارسى كٷرەس شارالارى جالعاسۋدا.
ەسكە سالا كەتەيٸك, بۇدان بۇرىن بقو-دا تەڭٸز كەن ورنى مەن رەسەيدەن كەلگەن 10 ادامنان كوروناۆيرۋس انىقتالعانىن جازعان بولاتىنبىز.
