«Batys-2021» birlesken strategiialyq oqý-jattyǵýynyń belsendi kezeńi jalǵasýda. Resei Federatsiiasynyń «Mýlino» poligonynda Qazaqstannyń Desanttyq-shabýyldaý áskerleriniń jáne Reseidiń Áýe-desanttyq áskerleriniń bólimsheleri eldi mekendi shartty qarsylastan azat etti, dep habarlaidy "Ult aqparat" Qorǵanys ministrliginiń baspasóz qyzmetine silteme jasap.
Desantshylar Mi-8AMTSh armiialyq aviatsiia tikushaǵynan qoný tásilimen desant túsirýdi oryndady. Áskeri kontigentter naqty ári úilesimdi is-qimyl jasai otyryp, eldi mekenderde qarsylastan qorǵanýdy jáne oǵan jaqyndap urys júrgizip, atys nysandaryn joidy.
Áskeri tikushaqtar qarsylastyń nysandaryna soqqy berip, taktikalyq desant túsirý is-qimylyn qoldady. Tapsyrmalardy oryndaýda atys aimaǵynyń kórinbeýi, manevrdiń jáne bólimshelerdi basqarýdyń kúrdeliligi qiyndyq týdyrdy.
Qorytyndylai kele, oqý-jattyǵýdyń basshylyǵy Qazaqstan men Reseidiń desanttyq-shabýyldaý batalondarynyń komandirleri gvardiia maiory Asqar Muhit pen gvardiia podpolkovnigi Ivan Iarovenko basshylyq etken qosymsha bólimshelerdiń is-qimyl úilesimdiligin atap ótti.
Atalǵan is-qimylǵa 300-den astam desant, 10-nan asa áskeri aviatsiia tikushaǵy jumyldyryldy.
Belarýs eliniń Brest poligonynda Qazaqstan, Belarýs jáne Reseidiń áskeri kontingentteri Il-76MD ushaqtarynan túnde desant túsirýdi oryndady. Oqý-jattyǵýdyń josparyna sáikes 1500 metr biiktikten túnde kóretin qurylǵylardy paidalana otyryp, arnaiy jasaq desant túsirýge arnalǵan alańdardy basyp aldy. Olar jaýyngerlik oqý-jattyǵý tapsyrmalaryn oryndaýǵa birden kirisip ketti.
Esterińizge sala ketsek, «Batys – 2021» birlesken strategiialyq oqý-jattyǵýy Resei jáne Belarýs elderiniń áskeri poligondarynda bir ýaqytta ótýde. Bul birlesken manevrler zańsyz qarýlanǵan quramalarmen kúresýge baǵyttalǵan.
