Chilide karateden jastar arasyndaǵy Álem chempionaty jalǵasýda. Qazaqstan qorjynyna alǵashqy «altyn» men bir qola medal tústi, dep habarlaidy "Ult aqparat".
QR Ulttyq Olimpiadalyq komitetinen málim etkendei, jasóspirimder arasyndaǵy 2018 jylǵy Olimpiada oiyndarynyń júldegeri Batyrǵali Ábilmansur qarsylas shaq keltirmedi. 67 kelige deiingi salmaq sanatynda (U-21) óner kórsetken ol Aýstraliia, Resei, Braziliia, Marokko jáne Túrkiia elderiniń sportshylarynan basym boldy.
Al 60 kelige deiingi salmaqtaǵy qazirgi álem chempiony Erkinbek Baitóreev óz titýlyn qorǵai almai, shirek finalda grek sportshysy Ksenos Stefanosqa ese jiberdi. K.Stefanos keiin álem birinshiliginiń jeńimpazy boldy. Baitóreev «qola» úshin jekpe-jekterde Úndistan men Chernogriiadan kelgen karateshilerdi senimmen jeńe aldy.
