Batyr babalarymyz búkil Eýraziiada at oinatqan qýatty memleketter qurdy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezidenti Qasym-Jomart Toqaev aitty, dep habarlaidy QazAqparat agenttigi.
«Taǵdyr taýqymeti ultymyzdyń júreginen azattyq rýhyn óshire almady. Qazaqtyń qaisar ul-qyzdary qashan da eldi bostandyqqa úndep, jigerin jani bildi. Bizdiń memlekettilik tarihymyz kóne zamannan bastaý alady. Bir kezde bórili bairaq kótergen kók túrikter máńgi el bolýǵa umtyldy. Kúltegin men Bilge qaǵan týraly tastaǵy jazýlar tarihymyzdyń tereńdigin tanytady. Batyr babalarymyz búkil Eýraziiada at oinatqan qýatty memleketter qurdy», - dep atap ótti QR Prezidenti.
Memleket basshysy babalarymyzdyń saiyn dalada teńdesi joq kóshpeliler órkenietin qalyptastyrǵanyn atap ótti.
«Alyp qurlyqtyń saiasi-ekonomikalyq damý barysyna orasan zor yqpalyn tigizdi. Olar urpaqqa asqaq rýhyn jáne ór namysyn miras etti. Baǵa jetpes mádeni murasy men jaýhar jádigerlerin tabystady», - dedi Memleket basshysy.
