باتىر بابالارىمىز بٷكٸل ەۋرازييادا ات ويناتقان قۋاتتى مەملەكەتتەر قۇردى. بۇل تۋرالى تەۋەلسٸزدٸكتٸڭ 30 جىلدىعىنا ارنالعان سالتاناتتى ٸس-شارادا قر پرەزيدەنتٸ قاسىم-جومارت توقاەۆ ايتتى, دەپ حابارلايدى قازاقپارات اگەنتتٸگٸ.
«تاعدىر تاۋقىمەتٸ ۇلتىمىزدىڭ جٷرەگٸنەن ازاتتىق رۋحىن ٶشٸرە المادى. قازاقتىڭ قايسار ۇل-قىزدارى قاشان دا ەلدٸ بوستاندىققا ٷندەپ, جٸگەرٸن جاني بٸلدٸ. بٸزدٸڭ مەملەكەتتٸلٸك تاريحىمىز كٶنە زاماننان باستاۋ الادى. بٸر كەزدە بٶرٸلٸ بايراق كٶتەرگەن كٶك تٷرٸكتەر مەڭگٸ ەل بولۋعا ۇمتىلدى. كٷلتەگٸن مەن بٸلگە قاعان تۋرالى تاستاعى جازۋلار تاريحىمىزدىڭ تەرەڭدٸگٸن تانىتادى. باتىر بابالارىمىز بٷكٸل ەۋرازييادا ات ويناتقان قۋاتتى مەملەكەتتەر قۇردى», - دەپ اتاپ ٶتتٸ قر پرەزيدەنتٸ.
مەملەكەت باسشىسى بابالارىمىزدىڭ سايىن دالادا تەڭدەسٸ جوق كٶشپەلٸلەر ٶركەنيەتٸن قالىپتاستىرعانىن اتاپ ٶتتٸ.
«الىپ قۇرلىقتىڭ ساياسي-ەكونوميكالىق دامۋ بارىسىنا وراسان زور ىقپالىن تيگٸزدٸ. ولار ۇرپاققا اسقاق رۋحىن جەنە ٶر نامىسىن ميراس ەتتٸ. باعا جەتپەس مەدەني مۇراسى مەن جاۋھار جەدٸگەرلەرٸن تابىستادى», - دەدٸ مەملەكەت باسشىسى.
