Almaty oblysynda kóp balaly jáne turmysy tómen otbasylarǵa "7-20-25" baǵdarlamasy aiasynda alǵashqy jarnany sýbsidiialaý úshin 1 million teńgeniń turǵyn úi sertifikaty beriledi, dep habarlady oblys ákiminiń baspasóz qyzmeti.
"Nur Otan" partiiasy oblystyq filialynyń kezekten tys HHV konferentsiiasynda oblys ákimi Amandyq Batalov halyqtyń áleýmettik osal toptaryna kómek kórsetý úshin 1 million teńgeniń turǵyn úi sertifikaty beriletinin habarlady. "7-20-25" baǵdarlamasy aiasynda kóp balaly otbasylarǵa arnalǵan eki kóp qabatty úi salynyp, oblys ortalyǵy janyndaǵy kottedj qalashyǵynda salynatyn 156 kottedj bólinedi.
Sondai-aq oblys ákiminiń bilim granty kóp balaly jáne turmysy tómen otbasylardyń balalary úshin 100 grantqa kóbeitiledi. Osy sanattaǵylar úshin investorlar esebinen gazdy úige qosý quny tómendetilip, olardyń úilerine gaz datchikterin tegin ornatý úshin qarajat qarastyrylady.
Belgili bolǵandai, aýdandar men qalalardyń barlyq ákimine óz aýmaǵynda kóp balaly jáne turmysy tómen otbasylardyń ókilderin qabyldaý jáne olardyń qandai problemasy bar ekenin anyqtaý tapsyryldy.
"Kómekke muqtaj otbasylar týraly tolyq aqparat alyp, olarǵa naqty qandai qoldaý qajet ekenin bilgen boida, osy derekter negizinde Áleýmettik jol kartasyn daiyndaimyz. Osy kartany basshylyqqa ala otyryp, negizinen osy baǵytta jumys isteimiz", - dedi A.Batalov.
Oblys ákimi atap ótkendei, qabyldaýlar naqty oń nátije berýi tiis.
