Almaty oblysyna taǵaiyndala salysymen basy daýǵa qalǵan bas sanitarlyq dáriger ne sebepti halyqpen dóreki sóileskenin túsindirdi, dep habarlaidy "Ult aqparat".
«Ol jerde shyn mánisinde qarapaiym tilmen túsindirgim keldi. Sony basqa jaǵynan burmalap jibergen eken. Eger shyn mánisinde syrttai solai kórinip turǵan bolatyn bolsa, men halqymnan, elimnen keshirim suraimyn. Moinymen aitqan, istegendi moinyńmen kóterý kerek. Biraq bul jerde shyn mánisinde balaǵattaityndai, bireýdiń ar-namysyna tietindei áńgime bolǵan joq».
Halyqtyń synyna qalǵan Erǵali Sydymanov Almaty oblysynyń sanitarlyq-epidemiologiialyq basqarmasyn 2005 jyldan 2019 jylǵa deiin, iaǵni týra 14 jyl basqarǵan. Al byltyr Mańǵystaý oblysyna dál osy qyzmet boiynsha aýysyp, ol jaqta bir jyl basshylyq laýazymda bolyp, keshe ǵana Almaty oblysyna qaita kelgen. Mańǵystaý oblysynda ol tipti «Úzdik memlekettik qyzmetshi» tósbelgisimen de marapattalypty. Kásipkerlerge «basymdy qatyrmashy» degen Bas sanitar dárigerdiń taǵdyry qalai bolatynyna endi tiisti organdar bas qatyratyn bolady.
Esterińizge sala keteiik, Almaty oblysyna jańadan taǵaiyndalǵan Bas sanitarlyq dárigerdiń kásipkerlermen sóilesken videosy jelige tarap, halyqtyń ashýyn týdyrdy. Densaýlyq saqtaý ministrliginiń resmi ókili Baǵdat Qojahmetov Erǵali Sydymanovtyń halyqpen sóilesý ádebi boiynsha tekserý bastalǵanyn málimdedi.
Sondai-aq, kásipkerlerge «basymdy qatyrmańdar» degen memlekettiń qyzmetshisiniń ústinen tártiptik is qozǵalǵanyn buǵan deiin de habarlaǵan bolatynbyz.
