Memlekettik sektorda áleýmettik jelilerdi paidalanýdyń ozyq tájiribesin Qazaqstannyń ortalyq memlekettik organdar baspasóz qyzmetteri basshylary zerdeleýde. Sáýir aiynyń 20-21 kúnderi Astana Memlekettik qyzmet haby QR Aqparat jáne qoǵamdyq damý ministrligimen birlese otyryp «Áleýmettik jeliler – memlekettik organdar men jurtshylyq arasyn bailanystyrýshy tiimdi platforma» atty seminar ótkizýde.
Seminardy ashqan Habtyń Basqarýshy komitet tóraǵasy Alihan Baimenov: «Áleýmettik jeliler - úkimetten bir tiyn suramaityn qoǵammen bailanys quraly», - dep atap ótti. «Sheshimderdi uǵynyqty tilde buqaraǵa jetkizý – senim qalyptastyrýdyń bir taǵany. Bul óz kezeginde kelesi batyl da ýaqytyly sheshimderge arqaý bolady. Sondyqtan da qazir baspasóz hatshylarynyń tiisti sheshimderdi halyqqa jetkizýde áleýmettik jelilerdi sheber paidalanýy qajet», - dedi Baimenov.
QR Aqparat jáne qoǵamdyq damý ministrliginiń Aqparat komiteti tóraǵasy Qanat Ysqaqov «qazirgi memlekettik qyzmet tájiribesi suraqtarǵa jaýap berip qana qoimai, azamattardyń pikirine qulaq asyp, olar usynǵan jobalardy júzege asyratyn kelesi – proaktivti kezeńge ótýde», - dedi. Sonymen birge ol kelesi jyldan bastap, memlekettik qyzmetkerlerdi baǵalaý paraǵyna áleýmettik jelimen jumys isteý qosylatynyn aitty.
Grýziialyq sarapshylar Ani Sirbiladze men Irakli Djinianidze memlekettik organdardy áleýmettik mediada ilgeriletý boiynsha álemdegi jáne aimaqtaǵy tsifrlyq úrdister týraly baiandady. Sonymen qatar olar memlekettik daǵdarystar kezindegi áleýmettik jeliler róline toqtalyp, osy oraida COVID-19 pandemiiasy barysyndaǵy baspasóz qyzmetter jumysynyń ozyq úlgilerin usyndy.
Seminar barysynda qatysýshylar ár-túrli keisterdi taldap, halyqpen tiimdi bailanys ornatý maqsatynda kontenttiń túrlerin paidalaný men tsifrlyq qarym-qatynas joldaryn talqylady. Olar sonymen birge negizgi onlain platformalardy jáne olardyń algoritmderin, paidalanýshylar minez-qulyq reaktsiialaryn qarastyryp, taldaý jasap, qandai synaqtar bolýy múmkin ekendigin saraptady, áleýmettik jelilerde josparlaýdy, vizýalizatsiia ádisterin úirendi. Qatysýshylar tájiribe almasyp, sońǵy jyldary bolǵan memlekettik daǵdarys kezindegi synaqtardy jáne olardan shyǵý joldaryn birge talqylady.
Seminar jumysyna onlain jáne offlain formatta Qazaqstannyń ortalyq memlekettik organdarynyń otyzǵa jýyq baspasóz hatshysy, resmi ókilderi jáne SMM menedjerleri qatysýda.
Qosymsha aqparatty Astana memlekettik qyzmet habynan myna telefon arqyly alýǵa bolady:+77172 69-65-44 (ishki 2605)
