Foto: Baq.kz
Aqparat jáne qoǵamdyq damý ministri Darhan Qydyráli Úkimet otyrysynan keiin BAQ ókilderine «Baspasóz kartasy» mehanizmin engizý ne úshin kózdelip otyrǵanyn aitty, dep habarlaidy QazAqparat.
«Mass media týraly zań jobasynda jýrnalistiń mártebesin aiqyndaý kózdelip otyr. Baspasóz kartasy sol jýrnalistiń statýsyn aiqyndaý úshin, jalpy jýrnalist pen blogerdi ajyratý úshin beriledi. Bul jańashyldyq Eýroodaqtyń birqatar memleketinde, mysaly Túrkiiada biraz jyldan beri keńinen qoldanylady», - dedi ministr.
Ol press-kart sheteldiń tájiribesinen alynǵan mehanizm ekenin eske saldy.
«Sonymen qatar ony berý mehanizmin de qarastyryp jatyrmyz. Bul negizi jýrnalisterdiń ózin-ózi retteý mehanizmi boiynsha arnaiy komissiia arqyly retteledi degen oidamyz. Ol kartany ministrlik bermeidi, ózderińiz siiaqty jalpy jýrnalister qaýymdastyǵy tarapynan qurylatyn komissiia arqyly sheshiledi», - dedi Darhan Qydyráli.
