QR Aqparat jáne qoǵamdyq damý ministriniń orynbasary Kemelbek Oishybaev baspa basylymdardy memleket tarapynan qoldaý sharalaryna qandai ózgerister ázirlenip jatqanyn aitty, dep habarlaidy QazAqparat.
«Baspa basylymdaryn memlekettik qoldaý da mańyzdy baǵyt bolyp qala beredi. Olardyń damýyn zańnamalyq deńgeide bekitý qajet. Qalalarda eresek turǵyndardyń kópshiliginde gazetter men jýrnaldarǵa jazylý jáne oqý mádenieti saqtalyp otyr. Sondai-aq shalǵai aýyldarda baspa basylymdary arqyly aqparat alý qajettiligi áli de bar. Sondyqtan ministrlik bul baǵytty basymdyqtardyń biri retinde qaldyrady. Osy baǵytta baspa basylymdaryn salyqtyń keibir túrlerinen bosatý múmkindikterin jáne baspa qyzmetterin sýbsidiialaý nusqalaryn zerdeleimiz», -dedi ol elordada ótip jatqan buqaralyq mediany zańnamalyq retteý týraly konferentsiiada.
Minisrlik ókili baspa basylymdardy qoldaýbasqa elderdiń qalai júrip jatqanyn muqiiat zertteletinin eskertti.
«Sondai-aq, otandyq merzimdi baspasóz basylymdary men jelilik basylymdardy qoldaý maqsatynda habarlama jasaý tártibimen esepke qoiýdy jáne qaita esepke alýdy kózdeý usynylady. Zańnamalyq deńgeide BUU usynymdaryna sáikes taralymy 200 danadan kem merzimdi basylymdardy esepke qoiýdan bosatýdy usynamyz. Qazir bul norma 100 dana deńgeiinde bekitilgen. Sonymen qatar, bir mekemede taratylatyn jáne tek osy mekemeniń qyzmetin jariialaýǵa baǵyttalǵan merzimdi basylymdardy (mysaly, JOO, zaýyt habarshylary jáne t.b.) esepke qoiýdan bosatý usynylady», - dedi Kemelbek Oishybaev.
