Elordalyq densaýlyq saqtaý basqarmasy 9 jasar qyzdyń jumbaq ólimi týraly pikir bildirdi, dep habarlaidy "Ult aqparat".
«Jedel járdem brigadasy kelgenshe, qyz bala óz úiinde qaitys boldy. Olar emhanadan dáriger shaqyrmaǵan. Otbasynda tórt bala bolǵan jáne kishi baýyrlary da jedel respiratorlyq virýstyq infektsiiamen aýyrǵan. Olarǵa dáriger shaqyrǵanda ata-anasy tuńǵysh qyzyn da tekserýdi suraǵan. Onda qyzdyń jaǵdaiy qalypty bolǵan, dárigerdi kútip alyp, páterdi kórsetken. Biraq, onda JRVI alǵashqy kezeńi bolýy múmkin, oǵan esh antibiotik taǵaiyndalmaǵan. Ólimniń naqty sebebi belgisiz, ony sot-meditsinalyq saraptama anyqtaidy», - dep jaýap berdi qalalyq densaýlyq saqtaý basqarmasy.
Basqarmanyń habarlaýynsha, dárigerler 13 qańtarda jasóspirimniń úiinde bolǵan. Al qyz bala 14 qańtar kúni kóz jumǵan.
Buǵan deiin elordalyq politsiia departamenti 8 jasar qyz balanyń óz úiinde qaitys bolǵanyn habarlaǵan edi. Qazirgi ýaqytta tergeý men sot-meditsinalyq saraptama júrip jatyr.
