Qazaqstannyń árbir jetinshi azamaty vaktsina aldy. Bul týraly QR Densaýlyq saqtaý ministri Aleksei Tsoi aityp berdi, dep habarlaidy "Ult aqparat".
«Qazaqstannyń árbir jetinshi azamaty vaktsina aldy – bul úlken jetistik. Basqa vaktsinalardy kútýdiń qajeti joq. Barlyq vaktsinalardyń el aýmaǵynda qoldanýǵa ruqsat etilgenin túsiný óte mańyzdy. Olar qaýipsiz, tiimdi, tekserilgen jáne shamamen 2,9 million adam osy vaktsinalardy saldyrǵan. Tiimdiligi óte jaqsy, biz vaktsinalaýdyń kómektesetinin kórip otyrmyz», - dedi ministr Tsoi Ortalyq kommýnikatsiialar qyzmetinde tilshiler suraǵyna bergen jaýabynda.
Sonymen birge, A. Tsoi elde koronavirýspen qaita aýyrý jaǵdailary bar ekenin eskertti.
«Virýspen aýyrǵandar endi juqtyrmaimyn dep oilaýy múmkin, bul múldem durys emes. Qazaqstanda qaita aýyrý jaǵdailary tirkeldi, álem boiynsha da osyndai statistika bar – kóptegen adamdar aýyrýda jáne jaǵdailary da óte aýyr. Ókinishke orai, qaitys bolyp jatqandar da bar. Sondyqtan munda ózin qorǵaý úshin, otbasyn qorǵaý úshin mindetti túrde vaktsina saldyrý qajet», - dep atap ótti ministr.
