QR Ádilet ministri Marat Beketaev úleskerlik qurylysqa qatysatyn azamattarǵa óz aqyl-keńesin berdi, dep xabarlaidy QazAqparat tilshisi.
"Ashyǵyn aitý kerek, qarjy daǵdarysyna deiin bolǵan alaiaqtyqtan biraz adamdar zardap shekti. Memleket te kúiip qaldy. Qazir zańnamada barlyq máseleler eskerildi. Qurylys kompaniiasynda qajetti qarjy ǵana emes, ruqsat qaǵazdary da bolýy shart. Sosyn onyń qyzmeti qatań baqylanady. Basqalar úleskerlerdiń qarjysyn tarta almaidy", - dedi M.Beketaev xalyqqa esep berý kezdesýi kezinde.
Ministrdiń aitýynsha, úleskerlik qurylysqa qatysqanda kompaniianyń barlyq ruqsat qaǵazdaryn qarap shyqqan durys. Budan bólek, kelisimshartty muqiiat oqý qajet. "Sosyn kásibi advokattan nemese zańgerden keńes alǵan da artyq bolmaidy. Oǵan aqshany aiamańyzdar. Áitpese, sarańdyqtyń kesirinen eki ese shyǵyn shyǵarýǵa týra keledi", - dep atap kórsetti M.Beketaev.
Aita keteiik, kezdesý kezinde ministr sot oryndaýshylarynyń qyzmetine qatysty zań jobasynyń Parlamenttiń qarýynda jatqanyn jetkizdi. "Atap aitqanda, sot oryndaýshylarynyń qyzmetine sanktsiia salýdy qysqartý týraly usynys bar. Bylaisha aitqanda, atalǵan institýtty damytý sharalary jalǵasa beredi. Sot oryndaýshylaryn jaýapkershilikke tartý tetikteri de qalady. Biraq ókilettilikterdiń biraz bóligi sottan sot oryndaýshylaryna beriledi", - deidi M.Beketaev.
