BQO bas memlekettik sanitar dárigeriniń jańa qaýlysy shyqty, dep habarlaidy "Ult aqparat".
BQO sanitarlyq-epidemiologiialyq baqylaý departamenti málim etkendei, 9 jeltoqsannan bastap kúshine enetin qaýlyǵa sáikes birqatar shekteý sharalary jeńildetildi.
Atap aitqanda, endi jeksenbi jáne mereke kúnderi de barlyq saýda úileri, jabyq bazarlar ashyq bolady. Qalada sondai-aq osy kúnderi qoǵamdyq kólik te júredi.
Buryn halyqtyń qozǵalysyna saǵat 23.00-den bastap tańǵy 06.00-ge deiin shekteý qoiylǵan bolatyn. Endi saǵat 00.00-den 06.00-ǵa deiin qozǵalys shekteledi.
Degenmen oiyn-saýyq, sporttyq is-sharalar, kórmeler, forýmdar, konferentsiialar, jappai jańa jyldyq is-sharalar (sonyń ishinde erteńgilikter, korporativter), sondai-aq úide jáne adamdar kóp jinalatyn jerlerde otbasylyq, estelik is-sharalardy (banketter, úilený toilary, mereitoilar, eske alý jáne t. b.) ótkizýge tyiym salynady.
Basqa da shekteý sharalary kúshinde qalady.
