Qazaqstannyń memlekettik bas sanitarlyq dárigeri Aijan Esmaǵambetova karantin tártipteri týraly taǵy da aitty, dep habarlaidy QazAqparat tilshisi.
«Karantin – koronavirýs infektsiiasyn aldyn alýdyń birden-bir amaly. Úide bolyńyzdar. Eshqaida shyqpańyzdar. Azyq-túlik nemese dári-dármek bolmasa asa qajettilik týyndamaǵan jaǵdaida úiden shyqpaǵan abzal. Úiińizde de profilaktikalyq sharalar týraly umytpańyzdar. Dymqyl shúberekpen úidi tazartyp, bólmeni jeldetip, úi jaǵdaiyna arnalǵan ýltrakúlgindi sáýlelendirgishti paidalanyńyz. Ýltrakúlgindi sáýleler virýsty óltirýde óte tiimdi. Eger úiden shyqsańyz, kóshede barynsha saqtanyp júrińiz. Adamdardan eki metr qashyqtyqta bolyp, antiseptikterdi qoldanyńyz. Úige kelgende qoldy betke aparmai, mindetti túrde sabyndap jýyńyz. Aýrýdyń alǵashqy belgileri paida bolǵan jaǵdaida jedel járdemge júginińiz. Ózdigińizben ondai jaǵdaida úiden shyqpańyz», - dedi Aijan Esmaǵambetova OKQ-da ótken baspasóz máslihatynda.
Memlekettik bas sanitarlyq dáriger karantinniń aiaqtalýy – árbir azamattyń tártibine bailanysty ekenin atap aitty.
Eske sala ketsek búgingi baspasóz máslihatynda memlekettik bas sanitar shekteý sharalary kúsheitilýi tiis óńirlerdi ataǵan edi.
