QR Bas prokýrory Ǵizat Nurdáýletov reseilikterdi ábigerge salǵan «Finiko», «C.Invest» jáne «getdiscount.kz» siiaqty qarjy piramidalary týraly pikir bildirdi, dep habarlaidy QazAqparat.
«Finiko», «C.Invest» jáne «getdiscount.kz» qyzmetteri týraly mynany aitý kerek. Almaty qalasynyń politsiia departamenti «Finiko» qarjy uiymyna qatysty Qylmystyq kodekstiń 190-baby 4-bóliginiń 2-tarmaǵy (alaiaqtyq) boiynsha qylmystyq isti tergep-tekserýde. «Finiko» qarjylyq piramida ekeni (Resei Federatsiiasynda tirkelgen), anyqtaldy. Is aiasynda jaýap alynǵan Qazaqstan azamattary «Finiko» salymshysy ekenin jəne bonýs alý úshin basqa adamdardy tartqanyn túsindirdi. Osyǵan bailanysty Resei Federatsiiasyna kúdiktilerden istiń mən-jaiy boiynsha jaýap alý úshin halyqaralyq tergeý tapsyrmasy jiberildi», - dep jazdy bas prokýror Májilis ókilderiniń depýtattyq saýalyna joldaǵan jaýabynda.
Onyń aitýynsha, atalmysh istiń tergeý barysy Bas prokýratýranyń baqylaýynda.
«C.Invest» qarjylyq piramidasyn qurý jəne ony basqarý faktisi boiynsha búgingi kúni qylmystyq is qozǵalǵan joq. Degenmen Qarjylyq monitoring agenttiginiń qarjylyq barlaý bólimshesi «S.Invest» hedj-qorynyń qyzmetine taldaý júrgizip, qarjylyq piramidanyń belgilerin anyqtady. Atap aitqanda, biylǵy 29 maýsymda «S.Invest» kompaniiasy aqparattyq tehnologiialar qyzmetterin kórsetý, baǵdarlamalyq qamtamasyz etýdi əzirleý, BAQ-taǵy jarnama boiynsha «Astana» halyqaralyq qarjy ortalyǵynda tirkelgen. Degenmen uiymnyń saitynda kriptovaliýta saýdasymen, investitsiialardy basqarýmen, konsýltatsiialar boiynsha qyzmetter kórsetýmen bailanysty qyzmetter usynylǵan. Al bul qyzmetter boiynsha«Astana» halyqaralyq qarjy ortalyǵynan eshbir sertifikat almaǵan. Sondyqtan 16 tamyzda AHQO talaby boiynsha «S.Invest» kompaniiasy «sinvest.kz» saityn joidy», - deidi Ǵizat Nurdáýletov.
Atalǵan fakti boiynsha materialdar 30 qyrkúiekte quqyqtyq baǵalaý úshin ekonomikalyq tergeý qyzmetine jiberilgen.
Bas prokýrordyń jaýabyna súiensek, «Getdiscount.kz» saitynda jariialanǵan zańdylyǵy zerdelengen.
Tsifrlyq damý, innovatsiialar jəne aeroǵarysh ónerkəsibi ministrliginiń derekteri boiynsha 29 qyrkúiekte kórsetilgen saittyń qyzmeti kemshilikter joiylǵanǵa deiin ýaqytsha toqtatyldy.
Óitkeni serveri shetelde ornalasqan. Olardy joimaǵan jaǵdaida atalǵan domendik ataýdy Qazaqstan aýmaǵynda paidalaný toqtatylady.
«Budan basqa, Qarjy monitoringi agenttiginiń qarjylyq barlaý bólimshesi «getdiscount.kz» saitynyń ieleri týraly məlimetter alý úshin Resei Federatsiiasynyń ýəkiletti organdaryna suraý jiberdi. Olardyń qyzmetinde qarjylyq piramida belgileriniń bolýyn kórsetetin jetkilikti negizder bolǵan kezde tiisti aqparat quqyq qorǵaý organdaryna joldanady. Sonymen qatar, Aqparat jəne qoǵamdyq damý ministrligi ýəkiletti organdarmen birlesip «Finiko», «C.Invest» jəne «getdiscount.kz» internet-resýrstary boiynsha 14 buzýshylyqty anyqtady. Olar boiynsha əleýmettik jeliler əkimshilikterine quqyqqa qarsy materialdardy alyp tastaýdy talap etip, 4 eskertý hatyn joldady», - delingen Bas prokýrordyń jaýabynda.
