QR Bas prokýrory Qairat Qojamjarov elimizde kásipkerlerdi zańsyz tekserý derekteri 1,5 esege azaiǵanyn málim etti, dep habarlaidy Baq.kz agenttigi.
Aldymen Qojamjarov QR Bas prokýratýrasy men «Atameken» Ulttyq kásipkerlik palatasy birlesip, biznesmenderdiń quqyqtaryn qorǵaý maqsatynda tiisti jumystar júrgizgenin atap ótti.
«Kásipkerlik – ekonomikamyzdyń negizgi tiregi. Biznesti jan-jaqty qoldaý, onyń damýyna jaǵdai jasaý árqashan tikelei Elbasynyń baqylaýynda. Prezidenttiń tapsyrmalaryn oryndaý maqsatynda 3 jyl qatarynan kásipkerliktiń ózekti máselerin birge taldap, olardy sheshý múmkindikterin birge taldap, olardy sheshý múmkindikterin birge qarastyrýdamyz. Birqatar birlesken zańnamalyq jáne uiymdastyrý sharalary qabyldandy. Búgingi forým sonyń jalǵasy», - dedi Bas pokýror «Kásipkerlik salasyndaǵy prokýratýra qadaǵalaýy» atty biznesti qorǵaý jónindegi III forýmda.
Sonymen qatar ol elimizde kásipkerlerdi zańsyz tekserý derekteri azaiǵanyn jetkizdi. Onyń aitýynsha, QR Bas prokýratýrasy men «Atameken» UKP atalǵan baǵytta júieli túrde tiisti is-sharalardy júrgizip jatyr eken. Nátije de joq emes.
«2 jol kartasy iske asyryldy. Basty baǵyttar boiynsha 200-den astam is-shara júrgizildi. Ákimshilik qysymnyń azaiǵanyn biznes sýbektileriniń tekserý sanynyń qysqarǵanyn kórinedi. Bul kóbinese josparly tekseristerdi azaitý, kásipkerlerge qoiylatyn túrli talaptardy 60%-ke qysqartý esebinen qol jetkizildi. 1,5 esege kásipkerlerdi zańsyz terserý azaidy. Kóbinese bul tekserister tótenshe jaǵdailar mekemesi, qoǵamdyq densaýlyq saqtaý basqarmasy, sáýlettik baqylaý, eńbek jáne jer inspektsiiasy esebinen júrgiziledi», - dedi Qairat Qojamjarov.
Osy oraida bas prokýror atalǵan máseleni sheshý úshin arnaiy baǵdarlama iske qosylǵanyn jetkizdi.
«Zańsyz tekseristerdiń aldyn alý úshin avtomattandyrylǵan eirsoft júiesi iske qosyldy. Júie zańsyz tekseriske jol bermeidi. Ol adamnyń qatysýynsyz baqylaý obektisin ózi tańdaidy», - dedi ol.
Aita keteiik, atalǵan forýmǵa parlament komitetteriniń tóraǵalary, depýtattar, «Atameken» ulttyq kásipkerlik palatasynyń basshylary, «Nur Otan» jáne «Aqjol» partiiasynyń ókilderi qatysýda.
