Bas prokýratýranyń kúdiginen keiin 13 qarjylyq piramidanyń ústinen sotqa deiingi tergeý bastaldy, dep habarlaidy QazAqparat.
Bul týraly «Kiberqadaǵalaý» aqparattyq júiesiniń kómegimen Qarjy piramidalaryn jarnamalaityn 52 silteme buǵattaldy.
QR Bas prokýrory Ǵizat Nurdáýletov Májilis ókilderiniń depýtattyq saýalyna bergen jaýabynda málim etti.
«Zańsyz qarjy operatsiialary faktileriniń jolyn kesý úshin QR Qarjy monitoringi agenttigi 2020 jylǵy 12 mamyrda qarjy piramidalarynyń tipologiiasyn, olardyń kúdik kriteriilerin jáne jumys isteý shemalaryn túzip shyqty. Negizgi ólshemder salynǵan qarajattan áldeqada mol tabys ýáde etý, árbir jańa qatysýshy úshin bonýstar tóleý siiaqty 16 belgiden turady», - delingen bas prokýrordyń jaýabynda.
Onyń aitýynsha, Qarjy monitoringisiniń sýbektileri sol tipologiia boiynsha óz klientteriniń árektin jiti baqylap, kúdikti operatsiialar baiqalsa, Qarjylyq monitoring agenttigine habarlaýǵa mindetti.
«Qarjy piramidasynyń belgileri jáne olarǵa belgili bir jeke jáne zańdy tulǵalardyń qatysy bar-joǵy rastalǵan jaǵdaida Qarjylyq monitoring agenttigi quqyq qorǵaý organdaryna aqparat jiberedi jáne bul týraly Bas prokýratýraǵa habarlaidy. Búgingi tańda agenttik jalpy somasy 4,9 mlrd teńge salǵan 21 salymshyny joldady. Onyń ishinde 10,6 myń salymshynyń 3,6 mlrd teńgesine ielik etken 13 qarjy piramidasynyń belgileri týraly aqparat rastaldy. Sotqa deiingi tergeý bastaldy», - dep túiindedi bas prokýror.
