Foto: Depositphotos
Qazaqstanda áleýmettik jeliler men túrli platformalarda zańsyz utys oiyndary jiilep ketti. QR Bas prokýratýrasy azamattarǵa lotereia uiymdastyrýǵa tek resmi operatorlardyń ǵana quqyǵy bar ekenin eskertedi, dep habarlaidy Ult.kz.
Zańǵa sáikes, lotereia qyzmetin tek ýákiletti memlekettik organnan ruqsat alǵan zańdy tulǵalar júzege asyra alady. Sharttary mindetti túrde Týrizm jáne sport ministrligimen kelisilip, júlde qory biletter satylymynan túsken qarajattyń keminde 50%-nan nemese operatordyń óz qarjysynan qalyptastyrylady. Barlyq aqparat ashyq ári qoljetimdi bolýy tiis.
18 jasqa tolmaǵan azamattardyń qatysýyna tyiym salynady. Al ruqsatsyz lotereia ótkizgen jeke jáne zańdy tulǵalarǵa Ákimshilik quqyqbuzýshylyq týraly kodekstiń 445-1-baby boiynsha 500-den 2000 AEK-ke deiin aiyppul salynady. Alaiaqtyq maqsatta uiymdastyrylǵan lotereialar úshin Qylmystyq kodekstiń 190-babyna sáikes 10 jylǵa deiin bas bostandyǵynan aiyrý jazasy qarastyrylǵan.
Bas prokýratýra azamattardy saq bolýǵa jáne «jeńil oljanyń aýyr saldary bolýy múmkin» ekenin eskertedi.
