Sońǵy bes jylda Qazaqstanǵa izdeýde bolǵan 356 adam ekstraditsiialanǵan. Bul týraly QR Bas prokýratýrasynyń qoǵamdyq múddelerdi qorǵaý qyzmetiniń bastyǵy Saparbek Nurpeiisov aitty, dep habarlaidy QazAqparat.
«Búginde shet memlekettermen qyzmyskerlerdi birlesip ustaý boiynsha 69 kelisim jasalǵan. Sonyń ishinde Italiia, Ispaniia siiaqty Eýropalyq Odaqqa múshe elder de bar. Biyldyń ózinde ǵana Soltústik Makedoniia, Ońtústik Koreia, Bolgariia siiaqty 5 memleketpen kelisim jasaldy. Bul bizdegi qylmystyq-quqyqtyq reformalarǵa halyqaralyq deńgeide senim bar ekenin kórsetedi. Osy progress bizdiń qyzmetimizde óz jemisin beredi dep oilaimyn. Atalǵan kelisimderdiń arqasynda shetelderden 53 adam ekstraditsiialandy. Biz 77 sheteldikti ustap berdik. Sońǵy 5 jylda shet elderden Qazaqstan aýmaǵynda qylmys jasaǵany úshin izdeý jariialanǵan 356 azamat elge qaitaryldy», - degen Saparbek Nurpeiisov elge qaitarylǵan qylmyskerlerdiń birnesheýiniń atyn atady.
«Mysaly Ózbekstannan Mehtiev ekstraditsiialandy. Ol Aqtóbe oblysynda órtengen avtobýstyń 52 jolaýshysynyń ólimine kináli dep izdelgen bolatyn. Reseiden «RBK» bankiniń 172 mlrd teńgesin jymqyrǵan J.Ertaev qaitaryldy. Germaniia men Ýkraina onyń sybailastary bolǵan Ibragimov pen Qusaiynovty ustap berdi. Grýziiadan qyzdardy esirtki kýreri retinde paidalanatyn qylmystyq top qurǵany úshin izdeý jariialanǵan Salameh atty adam qaitaryldy», - dedi Bas prokýratýra ókili.
