سوڭعى بەس جىلدا قازاقستانعا ٸزدەۋدە بولعان 356 ادام ەكستراديتسييالانعان. بۇل تۋرالى قر باس پروكۋراتۋراسىنىڭ قوعامدىق مٷددەلەردٸ قورعاۋ قىزمەتٸنٸڭ باستىعى ساپاربەك نۇرپەيٸسوۆ ايتتى, دەپ حابارلايدى قازاقپارات.
«بٷگٸندە شەت مەملەكەتتەرمەن قىزمىسكەرلەردٸ بٸرلەسٸپ ۇستاۋ بويىنشا 69 كەلٸسٸم جاسالعان. سونىڭ ٸشٸندە يتالييا, يسپانييا سيياقتى ەۋروپالىق وداققا مٷشە ەلدەر دە بار. بيىلدىڭ ٶزٸندە عانا سولتٷستٸك ماكەدونييا, وڭتٷستٸك كورەيا, بولگارييا سيياقتى 5 مەملەكەتپەن كەلٸسٸم جاسالدى. بۇل بٸزدەگٸ قىلمىستىق-قۇقىقتىق رەفورمالارعا حالىقارالىق دەڭگەيدە سەنٸم بار ەكەنٸن كٶرسەتەدٸ. وسى پروگرەسس بٸزدٸڭ قىزمەتٸمٸزدە ٶز جەمٸسٸن بەرەدٸ دەپ ويلايمىن. اتالعان كەلٸسٸمدەردٸڭ ارقاسىندا شەتەلدەردەن 53 ادام ەكستراديتسييالاندى. بٸز 77 شەتەلدٸكتٸ ۇستاپ بەردٸك. سوڭعى 5 جىلدا شەت ەلدەردەن قازاقستان اۋماعىندا قىلمىس جاساعانى ٷشٸن ٸزدەۋ جارييالانعان 356 ازامات ەلگە قايتارىلدى», - دەگەن ساپاربەك نۇرپەيٸسوۆ ەلگە قايتارىلعان قىلمىسكەرلەردٸڭ بٸرنەشەۋٸنٸڭ اتىن اتادى.
«مىسالى ٶزبەكستاننان مەحتيەۆ ەكستراديتسييالاندى. ول اقتٶبە وبلىسىندا ٶرتەنگەن اۆتوبۋستىڭ 52 جولاۋشىسىنىڭ ٶلٸمٸنە كٸنەلٸ دەپ ٸزدەلگەن بولاتىن. رەسەيدەن «ربك» بانكٸنٸڭ 172 ملرد تەڭگەسٸن جىمقىرعان ج.ەرتاەۆ قايتارىلدى. گەرمانييا مەن ۋكراينا ونىڭ سىبايلاستارى بولعان يبراگيموۆ پەن قۇسايىنوۆتى ۇستاپ بەردٸ. گرۋزييادان قىزداردى ەسٸرتكٸ كۋرەرٸ رەتٸندە پايدالاناتىن قىلمىستىق توپ قۇرعانى ٷشٸن ٸزدەۋ جارييالانعان سالامەح اتتى ادام قايتارىلدى», - دەدٸ باس پروكۋراتۋرا ٶكٸلٸ.
