Foto: Pexels.com
Bas prokýratýra toqtap qalǵan jáne óndiristik júktemesi tómen kásiporyndardyń qyzmetin jandandyrý, otandyq óndiristi damytý jáne importqa táýeldilikti azaitý boiynsha sharalardy qolǵa aldy, dep habarlaidy Ult.kz.
Máselen, "Qarmet Tubular Products Aktau" AQ qubyr zaýyty óndiristik qýatynyń nebári 19%-yn ǵana paidalanyp kelgen. Prokýratýra júrgizgen tekseris nátijesinde, otandyq óndirýshi bola tura, kvazimemlekettik sektor kompaniialary qubyrlardy deldaldar arqyly shetelden qymbat baǵamen satyp alyp otyrǵany anyqtaldy.
Júrgizilgen qadaǵalaý sharalarynyń nátijesinde, Úkimet pen ulttyq kompaniialar infraqurylymdyq jobalarǵa otandyq zaýyt ónimin paidalaný máselesin qarastyrdy. Sonyń arqasynda:
🔹 8 mlrd teńgege jańa kelisimsharttar jasaldy;
🔹 Qyzmetkerler sany 14%-ǵa artty;
🔹 Kásiporyn tolyq qýatynda jumys istei bastady, nátijesinde paidasy 2,5 ese ósti.
Qazirgi tańda prokýratýra basqa da toqtap qalǵan jáne óndiristik júktemesi tómen kásiporyndardyń máselelerin sheshý baǵytynda jumys istep jatyr. Bul bastama importty almastyrýǵa, ekonomikalyq resýrstardy tiimdi paidalanýǵa jáne otandyq óndiristi damytýǵa yqpal etpek.
Sonymen qatar, prokýrorlar shikizat tapshylyǵy, ótkizý naryqtarynyń bolmaýy jáne satyp alýdaǵy shekteýler siiaqty problemalarǵa tap bolǵan biznes pen investorlardyń quqyqtaryn qorǵaýdy jalǵastyrady.
