QR Bas prokýrorynyń orynbasary Bolat Dembaev Qazaqstanda ekstremistik dep tanylǵan uiymnyń halyqty kezekti zańsyz aktsiialarǵa qatysýǵa shaqyrýyna orai úndeý jariialady, dep habarlaidy "Ult aqparat".
«Áleýmettik jelilerde sotpen ekstremistik dep tanylǵan «Qazaqstannyń demokratiialyq tańdaýy» uiymy (QDT) men onyń jaqtastary 2019 jylǵy 26 qazanda kezekti zańsyz aktsiialardy uiymdastyryp, qatysýǵa shaqyrýlar taratýda.
Atalǵan uiymnyń músheleri asa aýyr qylmystar jasaǵany úshin shetelde sot tóreliginen jasyrynyp júr.
Olar turǵyndardy quqyqqa qarsy is-áreketterge aidap salyp, adamdardyń qaýipsizdigine, olardyń ómiri men densaýlyǵyna, múlkine zalal keltirý, qoǵamnyń qalypty tirshilik áreketin buzý qaýpin týyndatýda.
Bul tulǵalardyń qoǵamdyq qaýipsizdik pen qoǵamdyq tártipke qater tóndiretin is-áreketterine jol berilmeidi jáne olar shekteýge jatady. Óitkeni Konstitýtsiianyń normalaryna jáne eldiń zańdaryna, Azamattyq jáne saiasi quqyqtar týraly halyqaralyq paktiniń 19, 20, 21-baptaryna qaishy keledi.
«Ekstremizmge qarsy is-qimyl týraly» Zańnyń 13-babyna sáikes ekstremistik uiymdardy tarta otyryp, beibit jinalystar, mitingiler, sherýler, piketter jáne demonstratsiialar ótkizýge, olardyń aiyrym belgilerin paidalanýǵa, ekstremistik materialdardy taratýǵa jol berilmeidi.
Osyǵan bailanysty, memlekettik organdar sotpen tyiym salynǵan ekstremistik uiym bastamashylyq etýdegi ruqsat etilmegen narazylyq aktsiialarynyń uiymdastyrýshylary men qatysýshylaryna zańmen belgilengen tártipte qatań sharalar qoldanatyn bolady.
Zańsyz aktsiialarǵa qatysý faktileri rastalǵan jaǵdaida quqyq buzýshylarǵa qatysty Qazaqstan Respýblikasy Ákimshilik quqyq buzýshylyqtar týraly kodeksiniń 488-baby boiynsha jaýapkershilik máselesi qoiylatyn bolady (50 AEK-ke deiin aiyppul, 15 táýlikke deiin qamaqqa alý).
Eger osy is-áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirse, ol qylmystyq jaýaptylyqqa ákep soǵady (Qylmystyq kodekstiń 400-baby – ruqsat etilmegen aktsiialardy uiymdastyrý jáne qatysý, eger bul is-áreketter eleýli ziian keltirse).
Bas prokýratýra quqyq buzýshylyqtyń aldyn alý, adamnyń quqyqtary men bostandyqtaryn qorǵaý maqsatynda azamattardy arandatýshylyq shaqyrýlarǵa berilmeýge jáne ekstremistik uiymdardyń zańsyz aktsiialaryna qatysýdan bas tartýǵa shaqyrady», - delingen B.Dembaevtyń «Prokýratýra týraly» Zańnyń 31-baby tártibinde jariialanǵan úndeýinde.
