Nikita Kislitsin. AntiMalwarerus/youtube.com
Bas prokýratýra AQSh-tyń suraýy boiynsha Resei azamaty Nikita Kislitsinniń Qazaqstanda ustalǵany týraly pikir bildirdi, - dep habarlaidy Tengrinews.kz saity.
BAQ reseilik F.A.C.C.T. kiberqaýipsizdik kompaniiasynyń qyzmetkeri, reseilik "Haker" jýrnalynyń burynǵy bas redaktory Nikita Kislitsinniń AQSh-tyń suraýy boiynsha ekstraditsiialyq qamaýǵa alý negizderin zertteý úshin Qazaqstanda ustalǵanyn habarlady. Sonymen qatar, Kislitsindi Máskeý soty kompiýterlik aqparatqa zańsyz qoljetkizgeni úshin syrttai qamaýǵa alǵan.
Otyrys kýlýarynda Bas prokýrordyń orynbasary Ulan Baijanov Nikita Kislitsinniń ustalǵanyn rastady.
"Bul ótken kúni boldy. Iá, amerikalyq iýrisdiktsiiadan suranym boldy. Meniń oiymsha, ol baǵdarlamashy nemese aqparat salasynda jumys isteidi", - dedi ol.
Bas prokýrordyń orynbasary suranystyń qalai oryndalyp jatqanyn túsindirdi.
"Interpol arqyly, málimetter bazasy arqyly qyzyl jalaýsha ilinedi. Ol ustaldy. Qazir biz suraý salǵan elge: "Ony ne úshin aiyptap jatyr? Osy istiń fabýlasyn naqty kórsetýin" suraimyz. Sodan keiin bul quqyq buzýshylyq bizdiń elimizde qylmys bolyp tabyla ma, joq pa, sony taldaimyz. Bul is jan-jaqty zertteledi. Sonda ǵana biz ekstraditsiialaý nemese ekstraditsiialamaý týraly isti qabyldaimyz", - dedi Baijanov.
Onyń aitýynsha, isti zerdeleý merzimi ártúrli jaǵdailarǵa bailanysty bolady, al eger ustalǵan adam saiasi baspana surasa, protsess sál keshiktiriledi.
Ulan Baijanov Resei tarapynyń Kislitsindi tutqyndaý týraly ótinishine de túsinikteme berdi.
"Eger Máskeý ony kez kelgen jolmen qaitarǵysy kelse, onda olar da ol ne jasaǵanyn dáleldeýi kerek. Eger ol Resei azamaty bolsa jáne ol qaityp oralǵysy kelse, biz keshendi sheshim qabyldaimyz. Men qandai sheshimge keletinimizdi áli aita almaimyn", - dep túiindedi ol.
