Qyzylorda oblysynda qańtardaǵy jappai tártipsizdikter kezinde ólimge ákep soqtyrǵan 24 adamǵa qatysty qyzmettik qarý qoldanýdyń sebepteri anyqtaldy. Bul týraly Bas prokýratýranyń birinshi qyzmeti basshysynyń orynbasary Eldos Qilymjanov aitty, - dep habarlaidy Tengrinews.kz tilshisi.
5 qańtarda Qyzylorda oblysynyń politsiia departamentine qarýly shabýyl jasaldy, dep eske aldy Eldos Qilymjanov.
"Júk kóligine mingen lańkester ǵimarattyń qaqpasyn soǵyp, ańshy myltyqtarynan oq jaýdyryp, baqylaý-ótkizý pýnktin, Jedel basqarý ortalyǵynyń kameralary men patrýldik kólikterdi órtep jiberdi.
Osyǵan bailanysty politseiler qyzmettik qarýdy qoldanýǵa májbúr bolyp, áýeli aspanǵa oq atqan, sosyn shabýyl jasaǵandardyń aiaq-qolyn kózdegen. Alaida bul olarǵa kedergi bola almady. Olar alkogoldik jáne esirtkilik masań kúide ǵimaratqa birneshe ret basyp kirgen", - dedi Qilymjanov Ortalyq kommýnikatsiialar qyzmetinde ótken brifingte.
