Qazaqstan Respýblikasy Bas Prokýrorynyń orynbasary B. B. Dembaevtyń «Prokýratýra týraly» Zańnyń 31-baby tártibine bailanysty úndeý jariialady, dep habarlaidy "Ult aqparat".
«QURMETTI AZAMATTAR!
6 maýsymynan bastap «Qazaqstan Respýblikasynda beibit jinalystardy uiymdastyrý jáne ótkizý tártibi týraly» jańa Zań (budan ári - Zań) qoldanysqa engiziledi.
Jinalystardy, mitingilerdi jáne piketterdi uiymdastyrý jáne ótkizý úshin Zańmen habarlama jasaý tártibi qarastyrylǵan.
Uiymdastyrýshy olardy ótkizý kúnine deiin bes jumys kún buryn jergilikti atqarýshy organǵa habarlama beredi, ol úsh jumys kún ishinde ony qaraýǵa tiis (Zańnyń 10, 11-baptary). Bul merzim aiaqtalǵan soń jaýap bolmaǵan jaǵdaida, uiymdastyrýshy beibit jinalysty ótkizedi (Zańnyń 11-baby 1-tarmaǵynyń 3-tarmaqshasy).
Demonstratsiialar men sherýler úshin kelisim tártibi belgilengen. Ótinishter ótkiziletin kúnge deiin on jumys kún buryn beriledi, ol boiynsha jergilikti atqarýshy organ jeti jumys kún ishinde jaýap berýge mindetti (Zańnyń 12, 13-baptary).
Osy ýaqyt ishinde uiymdastyrýshy men jergilikti atqarýshy organ beibit jinalystardy qaýipsiz ótkizý, olarǵa qatysýshylardyń densaýlyǵyn saqtaý úshin jaǵdailar jasaidy.
Bul rette beibit jinalystar arnaiy oryndarda ótkizilýi tiis (Zańnyń 9-baby).
Dál osy sátte jergilikti ókildi organdar osyndai oryndardy jáne demonstratsiialar men sherýler úshin júrý marshrýttaryn, olardy materialdyq-tehnikalyq jáne uiymdastyrýshylyq qamtamasyz etýge qoiylatyn talaptardy, piketteýdi ótkizýge tyiym salynǵan irgeles aýmaqtardyń shekaralaryn aiqyndaý boiynsha rásimdi júrgizýde (Zańnyń 1-babynyń 3 tarmaqshasy, 8-babynyń 2-tarmaǵy).
Beibit jinalystar kórsetilgen rásim aiaqtalǵannan keiin uiymdastyrylýy jáne ótkizilýi múmkin.
Densaýlyq saqtaý ministrligi 2020 jylǵy 4 maýsymda úndeý taratyp, onda karantin kezeńinde elde buqaralyq is-sharalardy, onyń ishinde mitingilerdi ótkizýge tyiym salynǵanyn kórsetken.
Ony saqtamaǵany úshin ákimshilik jáne qylmystyq jaýaptylyq kózdelgen.
Degenmen, jekelegen tulǵalar el azamattaryn 2020 jylǵy 6 maýsymda jappai mitingilerge shyǵýǵa shaqyrýda.
Jańadan belgilengen tártipti buza otyryp ótkiziletin jinalystardy uiymdastyrý jáne olarǵa qatysý zańsyz bolyp tabylady jáne Ákimshilik quqyq buzýshylyq týraly kodekstiń 488-baby boiynsha ákimshilik jaýaptylyqqa ákep soqtyrady (tipti 15 táýlikke qamaýǵa alýǵa deiin).
Eger bul áreketter azamattardyń, uiymdardyń, qoǵamnyń nemese memlekettiń quqyqtary men zańdy múddelerine eleýli ziian keltirýmen qatar júrse, qylmystyq jaýaptylyq týyndaidy (QK-niń 400-baby).
Osyǵan bailanysty, azamattardy arandatýshylyq jasamaýǵa jáne zańsyz jariia aktsiialarǵa qatysýdan bas tartýǵa, beibit jinalystar uiymdastyrý jáne ótkizý kezinde jańa zańnyń erejelerin múltiksiz saqtaýǵa shaqyramyz», - delingen Úndeýde.
