QR Bas prokýratýrasy Almaty mańyndaǵy ushaq qulaǵan ǵimarattardyń zańdylyǵyn tekseredi. Bul týraly Bas prokýrordyń orynbasary Marat Ahmetjanov aityp berdi, dep habarlaidy "Ult aqparat".
«Ókinishke qarai, elimizde osyndai oqiǵa oryn aldy. Prezidenttiń tikelei tapsyrmasy bar. Apat ornyndaǵy ǵimarattyń qanshalyqty zańdy nemese zańsyz salynǵanyn tekseremiz. Sonymen birge, Almaty áýejaiy ǵana emes, barlyq áýejailar mańyndaǵy jer telimderiniń jeke menshikke qalai berilgenin anyqtaimyz», - dep jaýap berdi Marat Ahmetjanov Ortalyq kommýnikatsiialar qyzmetinde ótken brifingte tilshi saýalyna.
Atap ótsek, qaiǵyly oqiǵa 27 jeltoqsan tańerteń boldy. Bek Air áýe kompaniiasynyń "Almaty – Nur-Sultan" baǵytyndaǵy Fokker 100 ushaǵy Almaty mańyna qulady.
Ushaqta 93 jolaýshy men 5 ekipaj múshesi bolǵan. Apat 12 adamnyń ómirin qidy, qaza bolǵandardyń ishinde ushaq komandiri bar. Ekinshi ushqysh qazir aýrýhanada jansaqtaý bóliminde jatyr.
Prezident tapsyrmasymen Premer-ministr jetekshilik etetin komissiia quryldy. Toqaev apattyń sebebin anyqtap, kinálilerdi qatań jazalaýdy tapsyrdy. 28 jeltoqsan elimizde jalpyulttyq aza tutý kúni bolyp jariialandy.
