قر باس پروكۋراتۋراسى الماتى ماڭىنداعى ۇشاق قۇلاعان عيماراتتاردىڭ زاڭدىلىعىن تەكسەرەدٸ. بۇل تۋرالى باس پروكۋروردىڭ ورىنباسارى مارات احمەتجانوۆ ايتىپ بەردٸ, دەپ حابارلايدى "ۇلت اقپارات".
«ٶكٸنٸشكە قاراي, ەلٸمٸزدە وسىنداي وقيعا ورىن الدى. پرەزيدەنتتٸڭ تٸكەلەي تاپسىرماسى بار. اپات ورنىنداعى عيماراتتىڭ قانشالىقتى زاڭدى نەمەسە زاڭسىز سالىنعانىن تەكسەرەمٸز. سونىمەن بٸرگە, الماتى ەۋەجايى عانا ەمەس, بارلىق ەۋەجايلار ماڭىنداعى جەر تەلٸمدەرٸنٸڭ جەكە مەنشٸككە قالاي بەرٸلگەنٸن انىقتايمىز», - دەپ جاۋاپ بەردٸ مارات احمەتجانوۆ ورتالىق كوممۋنيكاتسييالار قىزمەتٸندە ٶتكەن بريفينگتە تٸلشٸ ساۋالىنا.
اتاپ ٶتسەك, قايعىلى وقيعا 27 جەلتوقسان تاڭەرتەڭ بولدى. Bek Air ەۋە كومپانيياسىنىڭ "الماتى – نۇر-سۇلتان" باعىتىنداعى Fokker 100 ۇشاعى الماتى ماڭىنا قۇلادى.
ۇشاقتا 93 جولاۋشى مەن 5 ەكيپاج مٷشەسٸ بولعان. اپات 12 ادامنىڭ ٶمٸرٸن قيدى, قازا بولعانداردىڭ ٸشٸندە ۇشاق كومانديرٸ بار. ەكٸنشٸ ۇشقىش قازٸر اۋرۋحانادا جانساقتاۋ بٶلٸمٸندە جاتىر.
پرەزيدەنت تاپسىرماسىمەن پرەمەر-مينيستر جەتەكشٸلٸك ەتەتٸن كوميسسييا قۇرىلدى. توقاەۆ اپاتتىڭ سەبەبٸن انىقتاپ, كٸنەلٸلەردٸ قاتاڭ جازالاۋدى تاپسىردى. 28 جەلتوقسان ەلٸمٸزدە جالپىۇلتتىق ازا تۇتۋ كٷنٸ بولىپ جارييالاندى.
