QR men QHR memleketteriniń quzyrly organdary bir kelisimge kelgen jaǵdaida Qytaida sotty bolǵan Aqjarqyn Turlybai jazasyn óz elinde óteýi múmkin, dep habarlaidy QazAqparat.
«Bizde Qytai Halyq Respýblikasymen quqyqtyq kómek kórsetý, qylmyskerdi ustap berý jáne ekstraditsiialaý boiynsha kelisim bar. Qazirgi tańda tarap (Aqjarqyn Turlybai) sot úkimine shaǵym (iaǵni apelliatsiia) berip otyr. Eger sot úkimi shyǵyp kúshine ense, onda Aqjarqyn Turlybai osydan keiin Qazaqstanǵa ótinish bere alady. Bul jaǵdaida QR men QHR elderiniń Bas prokýratýralary Aqjarqynnyń jazasyn Qazaqstanda ótei alatyndai baǵytta jumys júrgizemiz», - dedi Bas prokýrordyń orynbasary Marat Ahmetjanov Senatta tilshilerdiń suraǵyna jaýap bere otyryp.
Onyń aitýynsha Qazaqstan men Qytai memleketteri arasynda sottalǵandardy ózara tapsyrý tájiribesi bolǵan.
«QHR sotynyń túpkilikti sheshimi shyqqannan keiin úkim zańdy kúshine enýi tiis. Osydan soń biz QHR-men ózara kelisimge sáikes qarym-qatynastar aiasynda jumys júrgizemiz. Jalpy halyqaralyq sharttarda bas tartý negizderi kórsetilgen. Eger ol bosqyn nemese saiasi sebep bolsa, onda odan bas tartýǵa bolady. Al eger sanatqa jatpasa onda eki jaqtyń sheshimimen elge qaitarýǵa tolyq múmkindik bar», - dedi ol.
