Qazaqstan musylmandary dini basqarmasynyń tóraǵasy, elimizdiń bas múftii Naýryzbai qajy Taǵanuly biyl orazany nelikten kórshi eldermen aqyldasyp, bekitý sebebin aitty, dep habarlaidy QazAqparat.
«Keide buqaralyq aqparat quraldary ókilderi tarapynan «Ramazan aiynyń bastalatyn kúnin Ózbekstan jáne Qyrǵyzstan musylmandary dini basqarmasymen keńesý arqyly belgileý qandai qajettilikten týdy?» degen saýaldar qoiylyp qalady. Osy rette aita ketetin jait, ózderińizge belgili, osyǵan deiin Ortalyq Aziia elderi arasynda dini merekelerdi atap ótýde aiyrmashylyq bolatyn. Onyń ózindik dálelge súiengen ǵylymi ári dini sebepteri boldy. Alaida aýyly aralas jatqan baýyrlas elder orazany eki kúnde bastap, ait merekesin eki kúnde atap ótken jaǵdai birneshe ret qaitalandy», - dedi Naýryzbai qajy Taǵanuly Ortalyq kommýnikatsiialar qyzmetinde ótken baspasóz máslihatynda.
Bas múftidiń aitýynsha, joǵaryda atalǵan jaǵdai jamaǵattyń túsinbeýshiligin týdyrdy.
«Biz Ózbekstan, Qyrǵyzstan eline barǵan jumys saparymyzda osy máseleni jan-jaqty talqylap, ortaq pátýa qabyldaýǵa ýaǵdalastyq. Kelesim negizinde ekijaqty memorandým qabyldandy. Allaǵa shúkir, búginde Ortalyq Aziia elderiniń shariǵat jáne pátýa salasy boiynsha arnaiy keńesi qurylyp, ortaq máselelerdi ózara kelisip, keńesip, sheshim qabyldap kelemiz», - deidi ol.
Aita keteiik, biyl Ramazan aiy 2 sáýirde bastalyp, 1 mamyrda aiaqtalady.
