Almaty qalasynda ortalyq meshitte jamaǵatpen júzdesken Bas múfti Serikbai qajy Oraz "Obal bolady" men "saýap bolady"-nyń mánin túsindirdi, dep habarlaidy QMDB baspasóz qyzmeti.
Qazaqstan musylmandary dini basqarmasynyń tóraǵasy Serikbai qajy Oraz Almaty qalasynda ortalyq meshitte jamaǵatpen júzdesip, ýaǵyz aitty.
"Bizdiń ultymyz óskeleń urpaqtyń jadyna "obal bolady" nemese "saýap bolady" degen uǵymdy sińirgen. "Obal bolady" men "saýap bolady"-nyń túpki máni tereńde. Nan qiqymyn shashý – obal bolady. Bireýdiń ala jibin attaý – obal bolady. Ózgeniń haqysyn jeý – obal bolady. Qariiaǵa qurmet – saýap bolady. Jabyrqaǵan jannyń júregine úmit syilaý – saýap bolady. Mine, qarap otyrsańyz osynyń bári otbasydan bastalatyn tárbie negizderi. Otbasydan durys tárbie almaǵan bala erteń qoǵamnan óz ornyn taýyp kete almasy anyq. Sondyqtan, bala bolashaǵyna barshamyzdyń atsalysqanymyz lázim", – dedi Serikbai Satybaldyuly.
Besin namazyn júrgizgen Bas múfti eldiń igiligi úshin bata jasap, duǵa etti.
