Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly qazaqstandyqtardy Qurban ait merekesimen quttyqtady, dep habarlaidy "Ult aqparat".
«Barshańyzdy kúlli isi musylman balasy asyǵa kútetin ulyq meiram – Qurban aitpen shyn júrekten quttyqtaimyn! Aittaryńyz qabyl bolsyn! Sizderge Alladan amandyq, myqty saýlyq, mol yrys pen baq-bereke tileimin!
Qurban ait – asyl dinimiz Islamdaǵy eki ulyq merekeniń biri. Aitýly kúnde musylman qaýymy Qudai jolynda qurban shalyp, qanaǵat pen qaiyrymdylyqtyń, meiirimdilik pen izgiliktiń riiasyz úlgisin kórsetip, kómekke muqtaj jandardyń bata-tilegin alyp, alǵysyna bólenedi», - delingen Bas múftidiń quttyqtaýynda.
Sondai - aq, Naýryzbai qajy Ta ǵanuly álemdegi jáne eldegi jaǵdaiǵa bailanysty Qurban aitty óz dárejesinde atalyp ótilmei jatanyna da toqtaldy.
«Ókinishke qarai, álemdegi jáne eldegi jaǵdaiǵa bailanysty Qurban aitty óz dárejesinde atap ótip, jamaǵatpen qulshylyq jasai almaimyz. Allanyń amanaty bolǵan ómirimiz ben densaýlyǵymyzdy saqtaý – musylmandyq mindetimiz. Alaida saýap izdegen adam úshin jaqsylyqtyń esikteri qashan da ashyq. Biz osy rette qurban shalý sharalaryn qashyqtyqtan júzege asyrýdy qolǵa aldyq. Meshitterimiz ashylyp, jamaǵatpen qulshylyq jasaityn kúndi jaqyn etip, qalypty ómir tirshiligine qaita oralýdy jazǵai», - dedi ol.
