Qazaqstan musylmandary dini basqarmasynyń tóraǵasy, Bas múfti Naýryzbai qajy Taǵanuly elimizdegi saýda ortalyqtarynyń ieleri men barsha kásipker azamattardy kópshilik oryndarynda jazylǵan «qara juma» sózin «jomart juma» dep ózgertýge shaqyrdy, dep habarlaidy "Ult aqparat".
«Keiingi jyldary jurtty jappai saýdaǵa tartýdyń ádisi retinde qoldanylyp júrgen «qara juma» sózi qoǵamda talqyǵa túsýde. Dinimiz ben dástúrimizde bar «juma» sózi qasietti, qasterli uǵymdy bildiredi. Men osy rette elimizdegi saýda ortalyqtarynyń ieleri men barsha kásipker azamattardy «qara juma» sózin «jomart juma» dep ózgertýge shaqyramyn.
«Jomart juma» – júrekke jyly tietin, halqymyzdyń uǵymyna da sai keletin sóz. Musylman qaýymy úshin juma qasietti kún bolǵandyqtan, «qara jumany» «jomart juma» dep ózgertsek, bul – Islam dinin ustanatyn halqymyzǵa kórsetilgen qurmet bolmaq. Osylaisha, kásipker azamattarymyz izgi nietiniń nátijesinde «jomart juma» aktsiiasy aiasynda qanshama jannyń alǵysyna bólener edi» delingen Bas múfti Naýryzbai qajy Taǵanulynyń úndeýinde.
