Bas memlekettik sanitariia dárigeri jańa qaýlyǵa qol qoidy, - dep habarlaidy Tengrinews.kz tilshisi.
"Qazaqstan Respýblikasynyń halyq arasynda koronavirýs infektsiiasynyń aldyn alý jónindegi sharalardy odan ári kúsheitý týraly" 2022 jylǵy 14 naýryzdaǵy №12 qaýlysynyń kúshi joiylǵany aityldy. Jańa qaýlyǵa sáikes, nysandarda maska taǵý rejimi usynys retinde qalǵany belgili boldy.
"Maska taǵý mindetti sanalatyn meditsinalyq uiymdardy (personal, qyzmetkerler, patsientter, kelýshiler) qospaǵanda, úi-jailarda mindetti túrde maska taǵý rejimi alyp tastaldy. Sondai-aq, halyq kóp jinalatyn oryndarda, qoǵamdyq jáne áýe kólikterinde, uiymdasqan ujymdarda maskany paidalaný usynys retinde qaldyryldy. Nysandarda sanitariialyq-epidemiologiialyq rejimdi saqtaý boiynsha erekshe talaptar alyp tastaldy", - delingen habarlamada.
