Táýelsizdik kúni qarsańynda Prezident Jarlyǵymen áskeri qyzmetshiler men quqyq qorǵaý organdary ókilderi I jáne II dárejeli «Dańq», sondai-aq, I, II, III dárejeli «Aibyn» ordenderimen, «Erligi úshin» jáne «Jaýyngerlik erligi úshin» medaldarymen marapattaldy. Onyń arasynda kóliktegi politsiia departamentiniń bastyǵy, politsiia polkovnigi Ońal Bekeev te bar. Politsiia polkovnigi II dárejeli «Aibyn» ordenimen marapattaldy, dep habarlaidy "Ult aqparat" kóliktegi politsiia departamentine silteme jasap.
Ońal Botaiuly Bekeev ishki ister organdaryndaǵy qyzmetin 1998 jyly QR IIM qarasty MKQD úkimettik mekemelerdi jáne diplomatiialyq ókildikterdi kúzetý jónindegi militsiia polkiniń inspektory laýazymynan bastaǵan.
1999-2015 jyldar aralyǵynda ishki ister organdarynda ártúrli orta jáne aǵa basshylyq quram laýazymdarynda qyzmet atqardy.
2018 jyly Almaty oblysynyń PD bastyǵynyń orynbasary boldy, al 2019 jyldyń qazan aiynan beri – kóliktegi politsiia departamentiniń bastyǵy laýazymyn atqaryp keledi.
Búgingi kúni Ońal Bekeev basshylyq etetin kóliktegi PD elimizdiń áýe jáne temir jol nysandaryndaǵy qoǵamdyq tártip pen qaýipsizdikti qamtamasyz etedi.
Atalǵan nysandar - halyq kóp shoǵyrlanatyn oryndar. Sondyqtan kólik politseileriniń qyzmeti qashan da zor mańyzǵa ie.
«Osyndai jaýapkershiligi joǵary qyzmettiń basy-qasynda júrgen tájiribeli basshy, politsiia polkovnigi O. Bekeevti «Aibyn» ordeni marapatymen quttyqtap, aldaǵy ýaqytta da qyzmetine abyroi men sáttilik tileimiz!» deidi departament ujymy
