Beisenbi kúni BUU Bas Assambleiasynda Adam quqyqtary jónindegi keńestiń 14 jańa múshesin sailaý boiynsha daýys berý ótti, dep habarlaidy "Ult aqparat" BUU saityna silteme jasap.
Shyǵys Eýropa elderi tobynan eki orynǵa Armeniia, Moldova jáne Polsha talasty, alaida Moldova qajetti daýys sanyn jinai almady.
Germaniia men Niderlandy Keńeste Batys Eýropany tanystyratyn bolady, al Afrika elderi tobynyń tórt bos ornyna Liviia, Mavritaniia, Namibiia jáne Sýdan ornalasty.
Aziia atynan tórt orynǵa Keńeste bes el talasty. Olar: Indoneziia, Irak, Japoniia, Marshall araldary jáne Koreia Respýblikasy. Nátijesinde Irak Marshall araldarynan bir daýysqa jeńilip qaldy.
Latyn Amerikasy men Karib teńizinen eki oryn úshin alǵashqyda Braziliia men Venesýela talasqan edi, keiin Kosta-Rika qosyldy, alaida ol nebári 76 daýys jinap, Keńeske óte almady. Al onyń qarsylastaryna sáikesinshe 153 jáne 105 el daýys bergen.
Aita ketken jón, BUU Adam quqyqtary jónindegi keńesi 2005 jyly qurylǵan edi.
Keńes quramyna 47 memleket kiredi.
