«Barystyń» kanadalyq qorǵaýshysy Darren Dits Qazaqstan azamattyǵyn aldy, endi ol Astanada ótetin Álem chempionatyna qatysa alady, dep habarlaidy "Ult aqparat" «SPORTINFORM» SAA-ǵa silteme jasap.
«Dits Qazaqstan azamattyǵyn aldy. «Barystyń» bes hokkeishisin Astanadaǵy Álem chempionatynda oinatý josparlanyp otyr. «Barystyń» taǵy basqa legionerlerine azamattyq berý jaǵy áli talqylanǵan joq», - dedi Qazaqstan hokkei federatsiiasynyń jaýapty hatshysy Gleb Qarataev.
Eske sala keteiik, Darren Dits 59 oiynda 52 upai (15+37) jinap, QHL-nyń úzdik surmergen-qorǵaýshysy bolyp tur. Buǵan deiin shved Henrik Karlsson, amerikalyq Brendon Bochenski, kanadalyqtar Dastin Boid pen Kevin Dallmen Qazaqstan azamaty atanǵan bolatyn.
Birinshi divizion komandalary arasyndaǵy Álem chempionaty Astanada 25 sáýirden 5 mamyrǵa deiingi aralyqta ótedi. Qazaqstan quramasynan tys, elitaǵa qatysý úshin Belarýs, Vengriia, Litva, Sloveniia jáne Ońtústik Koreia komandalary da baq synap kóredi.
