Elordalyq «Barys» komandasyna jańa bas bapker taǵaiyndaldy. Bul qyzmetke belarýstik maman Andrei Skabelka keldi, dep habarlaidy QazAqparat.
Belarýs mamanymen kelisimshart eki jylǵa jasalǵan. Ol 2024 jyldyń 30 sáýirine deiin bas bapker qyzmetin atqara alady.
Andrei Skabelka 1971 jyly 20 qańtarda dúniege kelgen. Ol kásibi hokkeishi retinde 1988-2007 jyldarda Belarýs, Resei klýbtarynda oiyn kórsetken.
2007 jyldan beri bapkerlikke bet buryp, Resei, Belarýs klýbtarynyń tizginin ustady. 2018-2020 jyldarda «Barys» jáne Qazaqstan ulttyq quramasy tizginin ustady.
Onyń jetekshiligimen elordalyq klýb eki jyl qatarynan Chernyshev divizionynda kósh basynda bolsa, Gagarin kýbogy shyǵys konferentsiiasynda jartylai finalǵa deiin jetti.
Buǵan deiin 2020-2021 jyldarda Reseidiń «Lokomotiv» (Iaroslavl) klýbyna jetekshilik jasady.
