Qazaqstan Ulttyq Banki (QUB) nominaly 500 teńgelik «Shyǵys kúntizbesi» monetalar seriiasynan «Barys jyly» altyn jáne kúmis kollektsiialyq monetalaryn ainalymǵa shyǵarady, dep habarlaidy "Ult aqparat" banktiń baspasóz qyzmetine silteme jasap.
Monetalardyń dizainynda «Shyǵys kúntizbesi» sýburqaǵynyń (Almaty) sáýlet elementteri paidalanyldy. Músindik kompozitsiiany sýretshi-monýmentalist V. Tverdohlebov A. Tatarinovpen jáne V. Katsevpen birlesken avtorlyqta jasaǵan.
«Barys jyly» monetalarynyń sipattamasy:
Monetalardyń aversinde aspan álemindegi juldyzdar kartasynda juldyzdar shoǵyrynyń mifologiialyq simvoly men moneta daiyndalǵan metaldy, onyń synamasy men massasyn bildiretin jazý beinelengen. Monetany ainaldyra «QAZAQSTAN RESPÝBLIKASY» jáne «REPUBLIC OF KAZAKHSTAN» degen jazýlar, kúnniń stildendirilgen beinesi jáne monetanyń nominaly beinelengen.
Monetalardyń reversinde ortalyq bóliginde shyǵys kúntizbesi boiynsha 2022 jyldyń simvoly – barys beinesi beinelenip, ainaldyra «2022», «ShYǴYS KÚNTIZBESI», «VOSTOChNYI KALENDAR» jáne «ORIENTAL CALENDAR» jazýy bar. Ishki jaǵynda shyǵys kúntizbesiniń qalǵan on bir simvoly ornalasqan.
Altyn jáne kúmis monetalar on eki qyrly jáne olardyń beti men syrt jaǵyndaǵy beineleri birdei.
Altyn monetalarynyń beinelenýi
Kúmis monetalarynyń beinelenýi
Monetalar:
1) 999/1000 synamaly altynnan jasalǵan, massasy 7,78 gramm, diametri 21,87 mm, daiyndaý sapasy – «proof», nominaly 500 teńgelik, taralymy 1 000 dana;
2) 925/1000 synamaly kúmisten jasalǵan, massasy 31,1 gramm, diametri 38,61 mm, daiyndaý sapasy – «proof», nominaly 500 teńgelik, taralymy 3 000 dana.
Nominaly 500 teńgelik altyn jáne kúmis monetalar kollektsiialyq quny boiynsha satýǵa arnalǵan. Olar Qazaqstan Respýblikasynyń búkil aýmaǵynda naqty qunymen tólemniń barlyq túrleri boiynsha, sondai-aq bank shottaryna esepteý, aýdarym jasaý úshin qabyldanýǵa, Qazaqstan Respýblikasynyń barlyq bankterinde usaqtalýǵa jáne aiyrbastalýǵa jatady.
Altyn jáne kúmis monetalar kádesyi oramasymen shyǵarylady, memlekettik, orys jáne aǵylshyn tilderindegi QUB nómirlik sapa sertifikatymen jabdyqtalǵan.
Kollektsiialyq monetalar Qazaqstan teńge saraiynda daiyndaldy.
