«Barys» hokkei klýby bas bapker Iýrii Mihailispen jasalǵan sharttyń uzartylǵanyn resmi túrde habarlady, dep jazady sports.kz saity.
Kelisimniń merzimi bir jyldy quraidy (2022 jylǵy 30 sáýirge deiin).
Esterińizge sala keteiik, ótken jazda Mihailis «Barysty» basqardy, keiinnen komanda kezekti ret Qurlyqtyq hokkei ligasynda plei-offqa shyqty. Mamyr aiynda maman elitalyq divizionda ótken álem chempionatynda Qazaqstan ulttyq quramasynyń bas bapkeri retinde debiýt jasady. Latviiadaǵy týrnirde otandyq komanda tórt jeńiske jetip, topta besinshi orynǵa ie boldy. Osylaisha ózi úshin rekordtyq nátijege qol jetkizdi.
«Barys» jattyqtyrýshylar shtabynda ózgerister bolǵan joq. Iýrii Vladimirovichke Aleksandr Ahtsiger, Andrei Shaianov, Maksim Semenov jáne Aleksandr Shimin kómektesýdi jalǵastyrady.
