Barselonada ótetin Aziia kinosy bedeldi ispan kinofestivali «Aika» filmimen ashylady, dep habarlaidy "Ult aqparat".
QR Syrtqy ister ministrliginen málim etkendei, sharanyń saltanatty ashylý rásimine kartinanyń basty keiipkeri Samal Esliamova qatysady.
Jalpy alǵanda, VII kinofestival aiasynda álemniń 25 elinen 131 film jáne 25 qysqa metrajdy film usynylady.
Barselonadaǵy Casa Asia (Aziia Úii) men QR Konsýldyǵynyń qoldaýymen festivalǵa «Aikadan» bólek, qazaqstandyq taǵy 5 kartina qatysady: Jańabek Jetirýovtyń «Shyńyraý», Aldiiar Bairaqimovtyń «Grani», Tólegen Baitókenovtyń «Satash», Qýat Ahmetovtiń «Arýaq», Áziz Zairov pen Muhamed Mamyrbekovtiń «Qyz jáne teńiz» filmderi.
Kinofestival uiymdastyrýshylarynyń aitýynsha, kartinalardyń basym kópshiligi (100-den astam) 2018 jáne 2019 jyldar aralyǵynda túsirilgen jáne olar qarapaiym adamdardyń kúndelikti ómirin, áleýmettik qaqtyǵystar men problemalardy kórsetetin dramadan trillerge deiingi kinonyń túrli janrlaryndaǵy kórkem filmder.
Shara 30 qazan men 10 qarasha aralyǵynda ótedi.
