«Qaraǵandy farmatsevtikalyq kesheni» JShS-niń bas direktory Sergei Baron «Spýtnik V» vaktsinasyn shyǵaratyn tsehtyń qanshaǵa túskenin naqtylady, dep habarlaidy "Ult aqparat".
«Bizdiń zaýyttyń jalpy quny – 100 mln dollar. Sonyń jartysyn vaktsina óndiretin tseh quraidy. Munda barlyq talaptar óte qatań saqtalady. Jýý men shaiýǵa qajet sýdyń bári distildengen. Ǵimarattyń ishi, qutylar, qondyrǵylardyń bári distildengen sýmen avtomattandyrylǵan júie arqyly jýylyp otyrady. Aýanyń tazalyǵy «A» klasty bolýy kerek. Iaǵni, aýa sapasy ota bólmesindegi aýadan 100 ese taza bolýy kerek degen sóz», - dedi seriktestik direktory onlain baspasóz máslihatynda.
Sondai-aq, maman reseilik sýbstantsiia negizinde jasalatyn qaraǵandylyq vaktsinany Gamaleia atyndaǵy ortalyq mamandary qalai tekseretinin baiandap berdi.
«Tseh 50 mln dollar turady dedik qoi. Inspektsiialyq mashina da sonyń ishine kiredi. Bul mashina jaramsyz nemese qate quiylǵan qutylardy iriktep otyrady. «Brak» dep tanylǵandar birden zalasyzdandyrylady. Biz shyǵaratyn vaktsinanyń Reseidegi «Spýtnik V» vaktsinasynan aiyrmashylyǵy joq. Óitkeni ekeýi de bir sýbstantsiiadan jasalady, dál sondai tehnologiiamen óndiriledi. Biz ózimiz vaktsinany 8 kórsetkish boiynsha qadaǵalaimyz. Al Gamaleia institýty 15 kórsetkish boiynsha tekseredi. Ár seriianyń úlgisin ushaqpen jiberemiz. Olar 20 kún ishinde tekserip, qorytyndysyn jiberedi. Gamaleia institýtynyń qorytyndysyn alǵannan keiin Densaýlyq saqtaý ministrliginiń sertifikatyn alyp, daiyn dozalardy biryńǵai distribiýterge jóneltemiz», - dedi zaýyt direktory.
