«Aýyl» halyqtyq demokratiialyq patriottyq partiiasy málimdeme jasady, dep habarlaidy "Ult aqparat" partiianyń baspasóz qyzmetine silteme jasap.
«Qazaqstan Respýblikasynyń Prezidenti Qasym-Jomart Toqaev elimizde qalyptasqan tótenshe jaǵdaidan týyndaýy yqtimal áleýmettik jáne ekonomikalyq máselelerge bailanysty óte mańyzdy sheshimder qabyldap, bilik organdaryna olardyń oryndalýy boiynsha naqty tapsyrmalar berdi. Elimizde koronovirýs indetiniń eń alǵashqy belgileri paida bola bastaǵan kezden-aq Prezident tarapynan ýaqtyly sheshimder qabyldanyp, indettiń taralýynyń aldyn alý boiynsha shuǵyl sharalar qolǵa alynyp jatyr. Jer jahandy qyspaǵyna alyp, álem ekonomikasyn daǵdarysqa ushyratyp jatqan tótenshe jait, ókinishke qarai Qazaqstannyń da ekonomikasyna aýyr soqqy bolyp tieri anyq» delingen partiia málimdemesinde.
«Aýyl» halyqtyq demokratiialyq patriottyq partiiasy Qasym-Jomart Toqaevtyń eldegi qalyptasqan jaǵdaiǵa bailanysty qabyldap jatqan sheshimderine tolyqtai qoldaý kórsetedi.
«Barsha qazaqstandyqtardy dál osyndai syn saǵatta el Prezidentiniń tóńireginde toptasyp, halqymyzdyń áleýmettik ál-aýqatyn turaqtandyryp, ekonomikany tyǵyryqtan alyp shyǵý maqsatynda atqarylyp jatqan bastamalarǵa qoldaý kórsetýge shaqyramyz. Qazir erlerimizben birge eldigimiz de aýyr synnan ótýde. Álemde indetke der kezinde mán bermei, sheshimdi kesh qabyldap, jaǵdaiǵa nemquraily qaraǵan elderdiń qandai qiyndyqtarǵa tap bolyp jatqanyn kórip-bilip otyrmyz. Bizder, qazaqstandyqtar tarihymyzda qandai taýqymetti bolmasyn birligimizdiń arqasynda jeńgen elmiz. «Birlik bar jerde tirlik bar» deitin babalarymyzdyń amanaty búgingi tańda ár azamattyń uranyna ainalsa, el bolyp tóngen taýqymettiń betin qaitaratynymyzǵa senemiz» deidi partiia basshylyǵy.
