Osy jyldyń 8 aiynda elimizde 68 mln tonna kómir óndirildi. Bul týraly Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy QazAqparat.
«Ministrlik apta saiyn halyqty jáne kommýnaldyq-turmystyq sektordy kómirmen qamtamasyz etý boiynsha monitoring júrgizip otyr. Kómir óndirýshi kompaniialardyń jedel derekteri boiynsha 2021 jylǵy qańtar-tamyzda shamamen 68 mln tonna kómir óndirildi. Bul ótken jyldyń tiisti kezeńimen salystyrǵanda 98,5 paiyzdy quraidy», - dedi Beibit Atamqulov.
Onyń atap ótýinshe, «Bogatyr kómir» «Shubarkól kómir» jáne «Qarajyra» syndy iri kómir kompaniialary kómir óndirýdi arttyrǵan.
«Jalpy, barlyq óńirlerde jetkilikti mólsherde kómir qory jinaqtalǵan, dúrlikpe men tapshylyq bolmaidy. Temirjol kóligi parki kómirdi tolyq kólemde tasymaldaýdy qamtamasyz etedi», - dedi ol.
