Foto: Úkimet
Úkimet otyrysynda Prezidenttiń 2025 jylǵy Joldaýyn iske asyrý sharalary talqylandy. Premer-ministr Oljas Bektenov áleýmettik saiasat baǵytynda naqty tapsyrmalar berdi, dep habarlaidy Ult.kz.
Onyń aitýynsha, Eńbek ministrligi múddeli memlekettik organdar jáne ákimdiktermen birlesip, 1 jeltoqsanǵa deiin áleýmettik qoldaý sharalarynyń biryńǵai standartyn ázirleýi tiis.
– Barlyq kúmándi jáne tiimsiz áleýmettik tólemder men járdemaqylardy alyp tastaý kerek. Biz áleýmettik ádilettilikti saqtap, masyldyq piǵyldy azaitý úshin sharalar qabyldaityn bolamyz. Úkimettiń mindeti – barlyǵyna birdei jaǵdai jasaý. Al azamattar jumys istep, ózin jáne otbasyn asyraýǵa umtylýy qajet, – dedi Bektenov.
Premer-ministr memlekettik qyzmetterdi tiimdi baqylaý úshin tsifrlandyrý men jasandy intellektini tereń engizý qajettigin atap ótti. Osyǵan bailanysty ol 1 qarashaǵa deiin Áleýmettik salanyń biryńǵai tsifrlyq platformasyn engizýdi tapsyrdy.
Sonymen qatar memlekettik organdar Áleýmettik kodekske áleýmettik aýdit tetikterin engizýdi kózdeitin zań jobasyn jedel maquldaýy qajet.
