Parlament Senatynyń depýtaty Sergei Ershov búgingi Úkimettiń keńeitilgen otyrysyna qatysty pikir bildirdi. Bul týraly Parlament Senatynyń baspasóz qyzmeti habarlady, dep jazady Baq.kz portaly.
Memleket basshysynyń tóraǵalyǵymen ótken Úkimettiń keńeitilgen otyrysynda Qasym-Jomart Toqaev baiandamasyn tyńdadym. Onda quqyq qorǵaý organdary qyzmetkerleriniń jaýyngerlik ázirligin arttyrý, moraldyq rýhyn saqtaý máseleleri qaraldy. Quqyq qorǵaý organdary qyzmetkerleri men áskeri qyzmetshilerdi quqyqtyq qorǵaý basym baǵyttardyń biri. Ótken aptada ǵana bizdiń komitet depýtattary atynan Úkimetke Memleket basshysynyń tapsyrmalaryn oryndaý maqsatynda ulttyq qaýipsizdik salasyndaǵy zańnamany jetildirý qajettigi týraly depýtattyq saýal joldandy, - dedi ol.
Depýtat sailaýshylar el Prezidentiniń zańdylyq pen tártipti qalpyna keltirýge jáne áskeri blokty túbegeili qaita pishimdeýge baǵyttalǵan bastamalaryn tolyq qoldaitynyn atap ótti.
Úkimet azamattyq qorǵanys bólimsheleriniń tótenshe jaǵdailardyń saldaryn joiýǵa daiyn ekendigin jariialady. Senat komiteti kelesi otyrysta Úkimet basshysyna depýtattyq saýal joldap, mamandandyrylǵan, materialdyq-tehnikalyq jaraqtandyrý máselelerin kóterýdi usynyp otyr. Jedel-qutqarý quraldary men jabdyqtary, sondai-aq qutqarýshylardy áleýmettik qamtamasyz etý. Osy baǵytta «Qańtar oqiǵasy» kezindegi sheshýshi áreketteriniń arqasynda egemendigimiz ben tutastyǵymyzdy saqtap qalǵan el Prezidentiniń bastamalaryn qoldaýǵa shaqyramyn. Bizdiń kúsh-qýatymyz birlikte, árkim alǵa qoiylǵan mindetterge tolyq jaýapkershilikpen qaraitynyna jáne birlesken kúsh-jigermen barlyq bastama men reforma mindetti túrde júzege asyrylatynyna senimdimin, - dedi senator.
