QR Aqparat jáne qoǵamdyq damý ministri Aida Balaeva prezidenttik kadrlyq rezervke kirgen jastarmen Zoom tuǵyrnamasynda onlain rejimdegi kezdesý barysynda memlekettik qyzmette jumys isteýdiń qiyndyǵy nede ekendigin aityp berdi, dep habarlaidy QazAqparat.
«Barlyǵyńyzdy prezidenttik kadrlyq rezervke ótýlerińizben jáne memlekettik qyzmettiń jańa tolyq ókilderi mártebesine ie bolýlaryńyzben taǵy bir márte quttyqtaimyn. Qoǵam sizderdiń joldaryńyzdy erekshe qyzyǵýshylyqpen qadaǵalap, nátijeli ári tiimdi jumys kútetindigi sózsiz. Bul - óte úlken jaýapkershilik. Óitkeni, qazirgi ýaqytta sizderden standarttan tys kreativti sheshimder kútip otyr. Sizderdiń kópshiligińiz memlekettik qyzmet erekshelikterimen de betpe-bet kelgen shyǵarsyzdar. Belgili bir salada úlken eńbek tájiribesi bolǵanymen múmkindiginshe joǵary pozitsiiaǵa birden qabyldanbai jatqandardyń da jaǵdaiyn jaqsy túsinemin. Memlekettik qyzmette 20 jyldan astam ýaqyt jumys istep, barlyq satydan ótken adam retinde árbir kezeńniń kásibi turǵyda qalyptasý úshin mańyzdy ekendigin nyq senimmen aita alamyn. Olardyń ishindegi eń mańyzdysy - qoǵamdastyqpen júzbe-júz qyzyqty jumys», - dedi ministr.
Onyń atap ótýinshe, memlekettik qyzmeti barlyq áleýmettik toptardyń múddesin birdei qorǵaýy tiis.
«Belsendi azamattyq ustanymy bar adam men memlekettik qyzmetshi arasyndaǵy airmashylyqty airyqsha atap ótkim keledi. Sońǵysy júieli túrde oilai bilýge mindetti. Iaǵni, memlekettik qyzmetshi belgili bir áleýmettik toptyń paidasy úshin áserge berilip sheshim qabyldamaýy tiis. Barlyǵynyń múddesin birdei saqtaý mańyzdy. Memlekettik saiasatttyń túpkilikti máni de osynda. Árbir memlekettik qyzmetshi muny qoǵamnyń tabysty damýynyń basty kepili retinde este saqtaý tiis dep esepteimin», - dedi Aida Balaeva.
Ministr kezdesý barysynda memlekettik qyzmetshi jumysynyń qiyndyǵymen erekshelikteri nede ekendigin de tarqata aityp berdi.
«Aldyńǵy qatarlyq daǵdyny engizgiń keletindigi túsinikti. Alaida, kei ýaqytta memlekettik qyzmettiń biýdjettik erekshelikteri muny jyldam jasaýǵa múmkindik bere bermeidi. Eger Aqparat jáne qoǵamdyq damý ministrliginiń naqty qyzmetine kósher bolsam, stopfake.kz resýrsy paida boldy. Bul resýrsty bizdiń rezervshimiz Aleksandr Danilov jasap shyqty. Men oǵan júginip, osyndai resýrs qajet ekendigin aitqan edim. Ol tez arada qiyldap, nátijesinde resýrs paida boldy. Jalpy, karantin kezeńi kóptegen jalǵan aqparattardyń paida bolýyna túrtki bolǵan edi. Al onymen júieli túrde kúresý qajet. Mundai resýrstyń paida bolýy zańdy edi ári jedel sheshimderdi talap etti. Resýrsymyzdyń basty ereksheligi - memlekettik qyzmetshilerdiń jedel pikiri. Bul qazirgi jaǵdaida óte mańyzdy. Osyǵan bailanysty biz memlekettik qyzmetshi barlyq ýaqytta da jedel áreket etip, qoǵamda qobaljý týyndamaýy úshin halyqqa shynaiy ári resmi aqparatty jetkizýi tiistigin túsinýimiz qajet. Jalǵan aqparat adamnyń ómiri men densaýlyǵyna, qoǵamǵa bailanysty bolýy múmkin. Jaýapty ári sheshim qabyldai bilý mańyzdy. Memlekettik qyzmettik kúrdeliligi men ereksheliktigi de osynda jatqan shyǵar. Óitkeni, barlyq ýaqytta qoǵamnyń turaqtylyǵy men ál-aýqaty úshin jaýapkershilikte bolý mańyzdy», - dedi ol.
Sonymen qatar ministr prezidenttik kadr rezervine kirgen jastar barlyq kedergilerdi eńserip, ózderin qoǵam kútken qyrlarynan kórsete alatyndyǵyna úmit artatyndyǵyn basa aitty.
«Kópshiligi memlekettik qyzmetten ketip, jumys isteý múmkin emes dep aityp jatady. Bul oraida erekshelikterine qaramastan, osynaý qiyndyqtardy eńsergendei sheshimniń de jańa ádisterin usyný mańyzdy. Másele tyńdasa, onda onyń sheshimi bar degen sóz. Kóptegen biýrokratiialyq kedergiler jaidan jai týyndamaǵandyǵyn túsinýińiz qajet. Jemqorlyq óte mańyzdy ári probelmaly máselege ainalyp otyr. Árine, bul oraida jemqorlyqtyń órshýine sebepker bolatyn adamdardyń bolmaýyn da baqylaýda ustaý kerek. Menińshe, memlekettik qyzmetten, búginde sizderdi azdap alańdatyp otyrǵan kedergilerden qorqýdyń qajeti joq. Olarǵa baiyppen qaraǵan joq. Barlyq ýaqytta da joly bar. Barlyq ýaqytta sheshim de bar. Sizder bul kedergilerdiń barlyǵyn eńserip, qoǵam kútken deńgeiden tabylatyndyqtaryńyzǵa senimdimin», - dedi Aida Balaeva.
