Ishki ister ministriniń orynbasary Marat Qojaev burynǵy Ultty ekonomika ministri Qýandyq Bishimbaevtyń bosap shyǵýyna qatysty pikir bildirdi, dep habarlaidy "Ult aqparat".
«Sot sheshimi shyqty. Joǵarǵy sot bul iske qatysty mán-jaidy túsindirgen bolatyn. Joǵarǵy sottyń sheshimine qatysty pikir bildirýge quqym da, quzyretim de joq. Bári zań sheńberinde boldy. Qandai normativti qujattardyń qabyldanǵany týraly mán-jaidyń bári túsindirilgen», - dedi vitse-ministr Úkimet otyrysynan keiin tilshilerge bergen jaýabynda.
Marat Qojaev burynǵy ministr probatsiialyq baqylaýda bolatynyn málim etti.
«Áý bastaǵy úkimge qatysty shaǵym qaralyp, sot otyrysy ótti. Sottalý merzimi meniń bilýimshe 4 jylǵa deiin qysqarǵan. Ol merzimniń úshten eki bóligin ótegen. Jyldan astam ýaqyt qalǵan. Osy merzimdi óteý oǵan jeńildetilgen», - dedi ol.
Eske sala ketsek, 11 qazanda Shymkent qalasyndaǵy túrmede jazasyn ótep jatqan Qýandyq Bishimbaev bostandyqqa shyqty. Buǵan deiin sottalǵan ministrdiń qorǵaýshysy onyń jazasyn óteý tártibin ózgertýdi suraǵan bolatyn.
Eske sala ketsek, byltyr naýryz aiynda burynǵy (lttyq ekonomika ministri men osy iske qatysty ózge de aiyptalýshylarǵa úkim shyqqan edi. Sot úkimimen Qýandyq Bishimbaevtiń múlki tárkilenip, 10 jylǵa sottaldy. Sonymen birge ol ómir boiyna memlekettik qyzmette jumys isteý quqyǵynan aiyryldy.
Biylǵy 4 qańtarda Qýandyq Bishimbaev Shymkenttegi qaýipsizdigi ortasha túzeý mekemesine aýystyrylǵan edi.
